MU MAFOTO:Abafana ba KIYOVU SPORTS mu bicu, abakinnyi ba AS Kigali mu gahinda

Ni umukino ikipe ya AS Kigali yari yakiriyemo Kiyovu Sports bituranye cyane cyane ko zose zibarizwa mu Mujyi wa Kigali mu gace ka Nyamirambo. Wari umukino ufunguye, buri kipe yakinaga isatira ishaka igitego. Kiyovu Sport  niyo yafunguye amazamu ku munota wa gatandatu (6’) igitego gitsinzwe na Bigirimana Blaise . Nyuma gato Ndahinduka Michel wa AS Kigali yacyishyuye ku munota wa cyenda (9’). Igitego cy’intsinzi cya Kiyovu Sport  cyatsinzwe na Bigirimana Blaise ku munota wa 59’ wari wanatsinze igifungura amazamu. Nyuma yo kubona amanota atatu (3), Kiyovu Sports byatumye izamuka ku rutonde iva ku mwanya wa cyenda (9) igana ku mwanya wa karindwi (7) n’amanota 18.

MU MAFOTO , UKO UMUKINO WARI WIFASHE MU KIBUGA NO KU RUHANDE RW'ABAFANA

Amakipe yombi asohoka mu rwambariro

Mbere y'umukino Aloys Kanamugire utoza Kiyovu Sports(wambaye umupira w'umukara) arasuhuza Eric Nshimiyimana wamwakiriye kuri stade ya Kigali

11 Kiyovu Sports yabanje mu kibuga

11 AS Kigali yabanje mu kibuga

Abafana ba Kiyovu Sports bari baje kureba aho ikipe yabo ikina

Ahateraniye abantu benshi, uyu we aba ababonamo abaguzi....arashakisha amafaranga mu bafana bitabiriye uyu mukino

'Jus, amazi na Orubiti muragura?'

Hari n'abafana ba Kiyovu baje bisize irangi

Gukunda ikipe ntibigombera imyaka...uyu ni umu-yovu ukiri muto

Ntajya yiyoberanya...aza gufana yambaye umupira ugaragaza ikipe afana

Gufana ni ugushishikara!

Ruba ari urugamba nk'izindi

Nyuma y'uko Kiyovu Sports iteye umupira w'umuterekano ku ikosa AS Kigali yari imaze gukora, Ndoli Jean Claude yawukuyemo ntiyawukomeza, Blaise ahita awusongamo

Cyagezemooooo

Blaise yishimira igitego yari amaze gutsinda

Abakinnyi ba Kiyovu Sports bari mu byishimo bidasanzwe nyuma yo kubona igitego mu minota ya mbere

Hadashize akanya, AS Kigali iba iracyishyuye

Barashimira Ndahinduka Michel wari umaze kugitsinda

Nyuma yo kwishyurwa igitego, 'abayovu' bari bakonje

'Allo, bahise bacyitwishyura shahu, ubu ni 1-1'....'Yeee , ndakomeza nkubwire uko bimeze'

Mu bafana Kiyovu Sports, harimo n'abakuze

Havugarurema Jean Paul bakunda kwita Raro ukinira Kiyovu Sports aragerageza kwambura umupira umukinnyi wa AS Kigali

Hagati mu kibuga, bararwanira umupira

'Mushyire imipira imbere turebe ko twabona igitego cya 2'

Baribaza niba batahana amanota 3

Kiyovu Sports yakomeje gusatira izamu bikagera n'aho Ndoli asohoka agakiza izamu muri ubu buryo

Kiyovu Sports yari ihagaze neza

Kodo ararinda izamu

AS Kigali hari aho yahushaga ibitego byabazwe

Hagati mu kibuga Kiyovu Sports yahanahanaga neza umupira

Sebanani Emmanuel bakunda kwita Crespo ku mupira

Iyo bibaye ngombwa no mu kirere barazamuka bakahahanganira

Aha baba bari mu kazi, aho kumucishaho umupira, umukinnyi aremera akajya mu bicu

Nyuma y'uko Kiyovu Sports ibonye igitego cya 2, aracyishimira muri ubu buryo

'Kubitaaaa'

Ibyishimo byabo byagaragariraga amaso

'Kiyovu genda urakina nkakwemera'

Mu mabara y'icyatsi n'umweru yisize ku mubiri, na we itseko zari zose

Ifoto irabyivugira...abakinnyi b'inyuma ba Kiyovu Sports barindaga izamu bashyizeho umutima n'imbaraga

Kugongana byo ntibyabura mu kibuga kiba kirimo abakinnyi 22

Iyo umutoza yakubwiye ko umukinnyi atagomba kugucaho, uramuzirika

Mubumbyi Bernabe arashakira AS Kigali igitego cyo kwishyura...ahanganiye umupira na Ngarambe Ibrahim wa Kiyovu Sports

Nyuma yo kunanirwa kumucaho, amukubise umutego umwe bita 'rugondihene'

Hongereweho iminota 4 y'inyongera

Umukino urangiye, ibyishimo byari byose ku bafana ba Kiyovu Sports

No ku bakinnyi byari uko

Kuri rundi ruhande,agahinda k'abakinnyi ba As Kigali kagaragariraga amaso

Uburiye umubyirizi mu kwe ntako aba atagize...arasoma amazi atekereza n'uburyo amanota 3 bayaburiye ku kibuga cyabo

Gutsindirwa ku kibuga cyawe aho benshi mu bakinnyi bita ku mbehe, bituma ucika intege

'Mwihangane, twari twaje twiyemeje kubatsinda'

Minani Hemedi, umuyobozi w'abafana ba Kiyovu Sports abwira itangazamakuru ko umusaruro Aloys Kanamugire ari kubaha ari mwiza

Ibyishimo byari byinshi kuri Blaise watsinze ibitego 2

'Hari retour, tuzabishyura....'

Nubwo batatsinze, AS Kigali basoje bashimira Imana 

PHOTO:RENZAHO CHRISTOPHE