Rayon Sports 3 -1 Pepiniere: MU MAFOTO, umukino wa mbere Pepiniere yakinnye nyuma yo kugaruka muri ARPL

Umukino watangiye ku isaha ya saa cyenda n'igice z'umugoroba. Nubwo Rayon Sports ari yo yahabwaga amahirwe menshi, mu gice cya mbere ikipe ya Pepiniere FC yagerageje kwihagararaho, ab'inyuma bayo bazibira ba rutahizamu ba Rayon Sports bari bayobowe na Moussa Camara. Ibintu byahindutse ku munota wa 61 ubwo Camara yatsindaga igitego cya mbere, ku wa 66 atsinda icya kabiri. Nyuma gato Camara yaje kuvunika ava mu kibuga asimburwa na Lomami Frank. Igitego cya 3 cya Rayon Sports cyatsinzwe na Nahimana Shasir ahita ayobora abafite ibitego byinshi. Kugeza ubu afite ibitego 11 naho Danny Usengimana ukinira Police FC akamugwa mu ntege n'ibitego 10.

MU MAFOTO:UKO UMUKINO WARI WIFASHE

Abafana ba 'Match generation' bafite umuco wo kuza kuri stade n'amaguru bagenda bakubita ingoma

Nk'ibisanzwe Rwarutabura aba yakereye gushyushya urugamba

Gucyenyera niko uyu yahisemo guseruka yambaye aje gufana Rayon Sports

Mbere y'umukino, Masudi Djuma yagaragazaga ibyishimo

Kayiranga Baptiste yabanje gusuhuza abakinnyi b'iyi kipe yakiniye nyuma aza no kuyitoza

Arahoberana na Masudi Djuma wigeze kumubera umukinnyi anayoboye abandi nka kapiteni wa Rayon Sports ubwo Kayiranga yayitozaga

Baraganira nk'abaziranye, mbere y'uko batangira guhanganisha amayeri batoza amakipe yabo

11 ikipe ya Pepiniere FC yabanje mu kibuga

Uburyo butamenyerewe nibwo Rayon Sports yifotojemo...umuzamu w'umusimbura na we yaje kwifotozanya n'abandi

Nyezamu wa Pepiniere yambara numero 71 mu mugongo

Mu gice cya mbere amakipe yombi yahanganiraga mu kibuga hagati

Omar Hitimana, kapiteni wa Pepiniere yari yafashe Moussa Camara biramukundira mu minota 45 y'igice cya mbere 

Yajya n'iburyo bwe nabwo agakomeza kumucungira hafi ariko mu gice cya kabiri ibintu byahinduye isura

RWARUTABURA VS SENDERI:' Sende!Ko wadushyize mu rujijo ukaririmba indirimbo z'amakipe yombi, ubundi mubyukuri ufana Rayon Sports cyangwa ufana umukeba?'

'Umusa! rata mbwiza ukuri ndabona ari wowe mwazanye, Senderi ni umu-rayon wuzuye?'

Pepiniere yanyuzagamo ikagumana umupira ndetse ikawuhanahana neza

NkundaMatch w'i Kilinda yibazaga impamvu ikipe ye itari kubona igitego

Mbere y'uko Rayon Sports ibona igitego, abafana baba bumiwe

Hari aho byageraga, Masudi Djuma na we akibaza icyo yakora ngo igitego kiboneke

Masudi n'abamwungirije bati ' Mushyire imipira imbere igere kuri Camara'

Ku rundi ruhande, Kayiranga na we araha amabwiriza umukinnyi w'inyuma 'Muhagarare neza, ntimugire igihunga, ntabwo babacaho'

Mu kibuga ntibiba byoroshye...umubyimba nawo urakora

'Coach , subira inyuma dore warenze ahabugenewe'

'Nyihanganira gato nibutse abakinnyi banjye amayeri nari nababwiye'

'Mwambabariye mugakora ibyo twavuganye koko?'

Camara yari acungiwe hafi cyane

'Mutere imipira imbere cyane muyibarenze dore bamfashe ari 2'

Nova Bayama watanze umupira wavuyemo igitego cya mbere

Aramucenzeeee

Camara yakomeje guhatana ashaka igitego

Cyagezemoooo

Ku mupira wa Camara hari handitseho ngo 'Dieu est Grand'(Imana ni nkuru)

Barishimira igitego

King James umufana ukomeye wa Rayon Sports na we  yagaragazaga akanyamuneza

Iyo igitego kimaze kugeramo, bafana bashishikaye

Ku rukweto rwa Camara hari handitseho ngo' Je t'aime Maman'(Ndagukunda mama)

Nyuma gato yo gutsinda igitego cya 2, Camara yahise avunika

Imvune yaramukomereye biba ngombwa ko ava mu kibuga asimburwa na Lomami Frank

Iyo bibaye ngombwa, Masudi akoresha n'ibimenyetso kugira ngo abakinnyi bakunde bumve amabwiriza

Shasir watsinze ku mupira

Abakinnyi ba Rayon Sports bishimira igitego cya 3 cyatsinzwe na Nahimana Shasir

Abakinnyi bashimira abafana nyuma y'umukino

Assia ukina filime ni umwe mu bafana ba Rayon Sports bagaragazaga akanyamuneza nyuma y'umukino

'Allo,allo, noneho uri kunyumva neza ko navuye mu rusaku?....Ikipe birangiye tuyitsinze 3-1 ariko yabanje kutugora'

PHOTO:RENZAHO Christophe