Mu gihe mu mpera z’uyu mwaka yitegura kumurika album ye ya kabiri yise ‘Indashyikirwa’, umuhanzi Jules Sentore, kuri ubu yashyize hanze indirimbo itegurira abakunzi be iyi album dore ko ariyo ya nyuma yahisemo kubasogongeza mbere yo kuyishyira hanze.
‘Mumaranyota’ ni ryo zina ry’iyi ndirimbo nshya iri mu njyana ya Reggea fusion, ikaba yumvikanamo imitoma ya Sentore, uvuga ko ari impano yageneye abakundana nk’uko yabidutangarije ubwo yatugezagaho iyi ndirimbo.
Ni indirimbo ahanini natuye abakundana. Ni indirimbo umuhungu ashobora kwifashisha abwira umukunzi we amagambo y’urukundo, amagambo y’imitoma ya Kinyarwanda atondekanije neza. Jules Sentore
Akomeza agira ati “ Ni indirimbo iri mu rwego rwo kugirango numvishe abantu urwego album yanjye iriho. Ni indirimbo ibanziriza album kugirango igere hanze.”
Kanda hano wumve indirimbo 'MUMARANYOTA'
Tubibutse ko album ‘Indashyikirwa’ Jules Sentore arimo yitegura kumurika izaba ari iya kabiri nyuma ya ‘Muraho neza’, iyi album ikaba igizwe n’indirimbo 10 zikomatanyije injyana gakondo n’umuziki ugezweho nk’uko uyu muhanzi abizwiho.
Jules Sentore aritegura gushyira hanze album ye 'INDASHYIKIRWA'
Eng
RSS 
TANGA IGITECYEREZO