Ahabanza Imikino

Volleyball/Playoffs:RRA VC yatsinze imikino yose ihita itwara shampiyona 2016-AMAFOTO

Yanditswe na: Mihigo Saddam
Taliki:16/07/2016 19:51 0

Mu mikino ya kamarampaka y’umunsi wa gatatu mu cyiciro cy’abakobwa yaberega i Rwamagana mu ntara y’iburasirazuba, ikipe y’ikigo gishinzwe imisoro n’amahoro mu Rwanda (Rwanda Revenue authority) yatsinze imikino itatu yagombaga gukina kuri uyu wa Gatandatu aho yatsinze amakipe arimo; APR, Ruhango VC na St Alloys Rwamagana yari yakiriye iyi

RRA yatangiye mu mukino wa mbere itsinda Ruhango VC amaseti 3-0 (25-17, 25-16, 25-10.Mu mukino wa kabiri RRA VC yabaye k’aho yagowe cyane n’ikipe ya St Alloys yari mu rugo kuko umukino wabo warangiye ari amaseti atatu (3) ya RRA ku iseti imwe (1) ya St Alloys Rwamagana(25-19, 25-18, 19-25, 25-21).

RRA

Rwanda Revenue authority (RRA) yabaye ikipe y'umunsi nyuma yo gutsinda imikino itatu umunsi umwe

Umukino wa gatatu RRA yakinnye niwo mukino wari witezwe cyane kuko yagombaga guhura na APR VC bahora bahanganira ibikombe bya hano mu Rwanda. Umukino urangira RRA itsinze APR amaseti 3-1.Ni umukino watangiye nyuma ya saa sita ubwo buri kipe yari imaze gukina imikino ibiri, maze seti ya mbere irangira RRA itsinze seti ya mbere ku manota 25 kuri 19 ya APR VC.

RRA VC

Ubwo yari ihanganye na Ruhango VC

Peter Kamasa umutoza wungirije muri RRA VC agira inama abakinnyi

Seti ya kabiri APR VC yayigaruje ku manota 25 kuri 20 ya RRA .Seti ya gatatu yarangiye Rwanda Revenue Authority (RRA) itsinze amanota 25 kuri 19 ya APR VC, nyuma binjira muri seti ya kane yarangiye bigioranye kuko RRA yatsinze amanota 26 kuri 24 ya APR VC.Ibi bivuze ko ikipe ya RRA ikomeza kuyobora urutonde ndetse inategereza kuzahabwa igikombe kuko kuri ubu ifite amanota 63.

Indi mikino yakinwe kuri iki cyumweru, ikipe ya St Alloys yatsinze Ruhango mu mukino wa gatatu amaseti 3-1 (25-22, 25-21, 22-25, 25-17).St Alloys yakoze ibi imaze gutsindwa na APR amaseti 3-0 (25-14, 25-22, 25-20) ikanatsindwa na RRA amaseti 3-1.

APR VC yatsinze imkino ibiri, nyuma yo kuba yatsinze St Alloys amaseti 3-0, yatsinze Ruhango amaseti 3-0 (25-22, 26-24, 25-15).

Ruhango VC yatsinzwe imkino yose uko ari itatu.Yatinze na RRA amaseti 3-0 (25-17, 25-16, 25-10), itsindwa na APR VC amaseti 3-0 (25-22, 26-24, 25-16) mbere yo gutsindwa na St Alloys amaseti 3-1 (22-25, 21-25, 25-22, 25-17).

Dore uko imikino yose yagenze:

1.St Alloys 0-3 APR VC (14-25, 22-25, 20-25)

2.Ruhango VC 0-3 RRA (17-25, 16-25, 10-25)

3.Ruhango VC 0-3 APR VC (22-25, 24-26, 15-25)

4.St alloys 1-3 RRA (19-25, 18-25, 25-19, 21-25)

5.Ruhango VC 1-3 St Alloys VC (22-25, 21-25, 25-22, 25-17)

6.RRA 3-1 APR VC (25-19, 20-25, 25-19, 26-24)

RRA WVC