Umuhanzi Gabiro Guitar wamenyekanye cyane mu Rwanda ubwo yitabiraga amarushanwa ya Tusker Project Fame, nyuma agakomeza kugenda ashyira hanze indirimbo, kuri ubu yamaze gushyira ahagaragara amashusho y’indirimbo ye nshya aheruka gusohora yise ‘Kakadance’.
Nk’uko bigaragara mu mashusho y’iyi ndirimbo, uyu musore yifuje kugaragazamo cyane isura nshya y’umujyi wa Kigali, maze anibanda ku mibyinire yihariye y’iyi njyana ye yise ‘Kakadance’, aho ababyina bagaragaza umwihariko mu mibyinire yabo.
Mu kiganiro n’inyarwanda.com ubwo yatugezagaho iyi ndirimbo, yagize ati “ Kakadance ni dance style babyina bashinga amano maze bagasubira n’inyuma. Nkaba nifuza ko imbyino kakadance yazageraho ikaba ariyo njyana yazajya ituma mpora nishimana n’abakunzi b’umuziki wanjye kandi bakaryoherwa ahantu hose nataramiye. Ikindi ni uko nashatse kugaragaza uburyo umujyi wacu ukomeje gutera imbere mu nyubako.”
Reba hano amashusho y'indirimbo 'Kakadance'
Tubibutse ko iyi ndirimbo yakozwe na producer Piano mu buryo bw’amajwi, naho amashusho yayo ayoborwa na Mariva, ari nawe wayatunganyije. Mu mashusho yayo hagaragaramo abandi bahanzi nka Tony, Aime Blueston na Aidan TK(Two 4 real). Aba bose hamwe naba producer bakoze iyi ndirimbo bakaba bashimirwa byumwihariko na Gabiro Guitar ku bushake bagize bwo kumufasha muri uyu mushinga w’indirimbo ye.
Eng
RSS 
TANGA IGITECYEREZO