Shampiyona yo mu gihugu cy’ u Bwongereza irakomeza mu mpera z’ icyumweru, hakinwa umunsi wa 17 wa shampiyona. Liverpool izakira Arsenal, Chelsea ya mbere ku rutonde izasura Stoke City, Manchester City yakira Crystal Palace
Umukino uzahuza ikipe ya Liverpool izaba yakiriye Arsenal kuri Anfield, ikibuga cya Liverpool uzatangira ku isaha ya saa kumi n’ ebyiri z’ umugoroba ku cyumweru.
Dore byinshi wakwifuza kumenya kuri uyu mukino uzaba ukomeye kandi witezwe n’ abantu benshi:
Liverpool na Arsenal zimaze guhura inshuro 182 kuva tariki ya 2 Nzeri 1905 kugeza ubu, muri izo amakipe yombi anganya umubare w’ imikino yatsindanywe kuko buri imwe yatsinze imikino 67 buri imwe hanyuma banganya inshuro zigera kuri 48
Umukino uheruka kuzihuza wabaye tariki ya 16 Gashyantare 2014, ku kibuga cya Emirates Stadium maze Arsenal ibasha gutsinda Liverpool ibitego 2-1, gusa ariko icyo gihe ntiyabashije kwihimura kuri Liverpool yari yayitsinze mu mukino ubanza ku bitego 5-1
Raheem Sterling watsinze igitego cya 2 muri 5 batsinze Arsenal azaba ahari kandi ari no bihe byiza
Arsene Wenger n’ abasore be bazajya Anfield bazirikana ko ubwa bahaheruka bahanyagiriwe n’ imvura y’ ibitego bagatsindwa akayabo k’ ibitego bigera kuri 5-1 n’ ubwo hari abemeza ko ingufu Liverpool yari fite icyo gihe zagabanutse cyane ko yatakaje Luis Suarez werekeje muri Barcelona
Mu mikino 5 iheruka guhuza aya makipe yombi Arsenal yatsinzemo inshuro 3, Liverpool itsindamo 1 undi barawunganya (Liverpool 0-2 Arsenal, Arsenal 2-2 Liverpool, Arsenal 2-0 Liverpool, Liverpool 5-1 Arsenal, Arsenal 2-1 Livepool)
Izi kipe zagiye zihura mu mukino hakagaragaramo ibitego agahishyi twavuga nk’ umukino zahuye tariki ya 21 Mata maze aya makipe akanganya 4-4, tariki ya 9 Mutarama 2007 Arsenal yatsinze 6-3 bya Liverpool, tariki ya 4 Mata 1953 Arsenal yatsinze 5-3, tariki ya 1 Nzeri 1934 Arsenal yatsinze 8-1
Steven Gerrard, kapiteni wa Liverpool ni umwe mu bakinnyi bakinnye imikino myinshi ihuza aya makipe akomeye mu Bwongereza
Aya makipe yose azahura atorohewe n’ ibihe arimo muri shampiyona kuko yose adahagaze neza. Arsenal iri ku mwanya wa 6 n’ amanota 26 , ikarushwa na Chelsea ya mbere amanota 13 yose. Liverpool yo iri ku mwanya wa 11 n’ amanota 21 ikaba nayo irushwa na Chelsea amanota 18 yose mu mikino 16 aya makipe yose amaze gukina
Mu mikino 5 ya shampiyona Liverpool iheruka gukina yatsinzemo 2 gusa inganya 1 itsindwa 2 harimo n’ uwo iheruka gutsindwamo na Manchester United ibitego 3-0 byse ( Manchester United 3-0 Liverpool, Liverpool 0-0 Sunderland, Leicester City 1-3Liverpool, Liverpool 1-0 Stoke City, Crystal Palace 3-1 Liverpool)
Mu mikino 5 Arsenal iheruka gukina muri shampiyona yatsinzemo 3 harimo n’ uwo iheruka kunyagiramo Newcastle ibitego 4-1, ibiri isigaye yo yarayitsinzwe (Arsenal 4-1 Newcastle United, Stoke City 3-2 Arsenal, Arsenal 1-0 Southampton, West Bromwich 0-1 Arsenal, Arsenal 1-2 Manchester United)
Alexis Sanchez ni ubwa mbere azaba agaragara mu mukino uhuza aya makipe nyuma yo kerekeza mu ikipe ya Arsenal
Arsenal iracyafite abakinnyi bagifite ibibazo by’imvune batazagaragara kuri uyu mukino nka Jack Wilshere, Mesut Ozil, Aaron Ramsey, Mikel Arteta, Laurent Koscielny na Tomas Rosicky gusa ariko izaba igarura Nacho Monreal na Alex Oxlade-Chamberlain ndetse na Theo Walcot byaze kwemezwa na Wenger ko azaba ahari kuri uyu mukino
Jack Wilshere na Mikel Arteta ntago bazagaragara kuri uyu mukino kuko bakiri mu mvune
Liverpool yo izaba idafite Daniel Sturridge uri mu mvune na Mario Balotelli wahanwe gusiba umukino, Glen Jonsohn
Kolo Toure azaba akina n' ikipe yahoze akinira nyuma gusimbura ku mwanya Glen Jonsohn uri mu mvune
Mario Balotelli ntazagaragara kuri uyu mukino nyuma yo gufatirwa ibihano
Ku wa gatandatu tariki ya 20 Ukuboza 2014
Man City vs. Crystal Palace
Aston Villa vs. Man Utd
Hull vs. Swansea
QPR vs. West Brom
Southampton vs. Everton
Tottenham vs. Burnley
West Ham vs. Leicester
Ku cyumweru tariki ya 21 Ukuboza 2014
Newcastle vs. Sunderland
Liverpool vs. Arsenal
Ku wa mbere tariki ya 22 Ukuboza 2014
Stoke vs. Chelsea
Alphonse M.PENDA
TANGA IGITECYEREZO