Kigali'z illest Muzik bashyize hanze amashusho y'indirimbo yabo IMPANO

Nk’uko twabitangarijwe n\'abasore bagize iri tsinda, bavuze ko iyi ndirimbo yabo ari impano bageneye abafana babo muri uyu mwaka by’umwihariko abakunda umuziki wo mu njyana ya Hip Hop bose. Umwe muri aba bahanzi yagize ati, \"iyi ndirimbo ni impano twageneye bakunzi bacu ndetse n\'abakunzi ba muzika mu rusange by\'umwihariko abakunda injyana ya hip hop.”

Mu migambi mishya Kigali \'z illest Muzik bafite muri uyu mwaka wa 2014 harimo kwagura ibikorwa byabo bafatanya n\'abandi bahanzi nyarwanda bari ku mugabane w\'ubirayi ndetse n\'abo mu Rwanda, babinyujije muri Label yabo yitwa LK Entertainment.

Mu bindi bikorwa harimo gukora ibitaramo bitandukanye bazakore mu gihugu cy\'u Bufaransa no mu Bubiligi mu mezi ari imbere.

Aba basore uko ari batanu, bavuze ko bishimiye igitaramo baherutse gukorera i Paris bafatanyije na Dream Boyz . Kigali \'z illest muzik basoje ikiganiro twagiranye nabo bifuriza abakunzi babo n\'abanyarwanda bose umwaka mushya muhire wa 2014.

Itsinda Kigali \'z illest muzik rigizwe n\'abasore batanu bose baturika i Kigali(K-City,Jalas Lee,Mc Nito,Fab Toxik na Joss Coolious),rikaba ryarangiye mu mwaka wa 2010.

REBA INDIRIMBO IMPANO YA KIGALI’Z ILLEST MUZIK:

Munyengabe Murungi Sabin