Kylian Mbappe yakuyeho agahigo ka Ronaldo Nazario muri Real Madrid

Ronaldo Nazario yatsinze ibitego 30 mu mwaka we wa mbere muri Real Madrid, ariko Mbappe yahise agera kuri 31 nyuma yo gutsinda Villarreal. Mu kwishimira  uyu muhigo, Mbappe yiganye uburyo Cristiano Ronaldo yishimiramo igitego, aho yerekanye ko ahari.

Nubwo Mbappe yatangiranye urugendo rutari rworoshye muri Real Madrid, ubu amaze kwemeza abantu ko ari umwe mu bakinnyi bakomeye b’iyi kipe. Si agahigo ka Ronaldo Nazario gusa yaciye, kuko ibitego 31 bye bimugira umukinnyi wa kane ufite ibitego byinshi mu mwaka we wa mbere muri Real Madrid.

Mbappe amaze gutsinda ibitego 17 muri shampiyona ya Espagne (La Liga), akaba ari we mukinnyi wa kabiri watsinze ibitego byinshi mu makipe akomeye i Burayi (top 5 leagues), inyuma ya mugenzi we Ousmane Dembélé.

Ibitego bye bibiri byafashije Real Madrid gutsinda Villarreal, nyuma y’uko Juan Foyth yafunguye amazamu ku ruhande rwa Villarreal. Iyi ntsinzi yahise ishyira Real Madrid ku mwanya wa mbere muri La Liga, nubwo bamaze gukina imikino ibiri irenze iya Barcelona, yo iri ku mwanya wa kabiri ifite intsinzi esheshatu zikurikirana.

Umutoza Carlo Ancelotti akeneye ko Mbappe akomeza kwitwara neza kugira ngo afashe Real Madrid kwegukana igikombe cya shampiyona. Iyi kipe iri mu rugamba rukomeye na Atletico Madrid ndetse na FC Barcelona ya kabiri.

Kyliam Mbappe yakuyeho agahigo ka Ronaldo Nazario muri Real Madrin

Ronaldo mu mwaka we wa mbere muri Real Madrid yatsinze ibitego 30 mu gihe Mbappe amaze kugira 31