Ibyari isabukuru y’ubukwe bwabo byarangiye ari isooko y’ibibazo

Umugore w’imyaka 27 yagejeje ikibazo cye kuri “Dear Deidre”, agaragaza uko umwana wabo w’amezi atandatu yabaye isoko y’ibibazo hagati ye n’umugabo we w’imyaka 30. Ku isabukuru y’ubukwe bwabo, umugabo yahisemo gusohoka, amusiga wenyine mu rugo n’umwana muto. Igihe yatahaga, yari yasinze cyane maze ahita yiryamira nta kintu amubwiye.

Kubyarira muri ubwo buryo bw’ibibazo akanajya mu bitaro, byagize ingaruka zikomeye ku muryango wabo. Nubwo umugore yahuye n’ihungabana, aho yari akeneye ubufasha bw’umugabo, we yamugaragarizaga gusa umujinya n’ubuhehesi, igihe umwana yabyukaga arira nijoro umugab yamwakirizaga ibitutsi.

Ibibazo byarushijeho gukomera ubwo nyina w’umugore yaje kumufasha nyuma yo kuva mu bitaro. Umugabo ntiyigeze ashimira ubufasha bwe, ahubwo yamushinjaga kwivanga mu buzima bwabo. Ndetse n’ababyeyi b’umugabo bagiye banenga uburyo uwo mubyeyi yitagaho umwana wabo, ibintu byongera kumubabaza mu mutima we.

Deidre bavuga ko “igihe cyo kwita ku mwana gishobora guteza ibibazo hagati y’abashakanye, cyane cyane iyo badashoboye kuganira ku byababayeho. Kugirana ikiganiro gikomoye, kugerageza kumvana hagati yabo no gusaba ubufasha mu miryango,byagira uruhare rukomeye mu kugarura ituze n’urukundo mu rugo rwabo”.

Bakomeza bagira bati:”Nubwo ibi bihe bitoroshye, ntibizaramba. Iyo abashakanye bakoranye nk’ikipe, birashoboka ko babasha gusohoka mu bibazo bafite, kandi bakarushaho kugira urugo ruzira amakimbirane, aho buri wese agira amahoro kandi akishimira umuryango”.