Ahabanza Amakuru ku Rwanda

I Kigali hafunguwe Inama ya 49 ya Komite mpuzabikorwa EAPCCO

Yanditswe na: KUBWIMANA Solange
Taliki:27/01/2025 14:32 0

Kuri uyu wa Mbere, Umuyobozi Mukuru wa Polisi y’u Rwanda, CG Felix Namuhoranye yafunguye ku mugaragaro Inama ya 49 ya Polisi zo mu bihugu byo muri Afurika y’Iburasirazuba byibumbiye mu muryango wa EAPCCO, ibera ku cyicaro gikuru cya Polisi ku Kacyiru.

Iyi nama ni imwe mu nama zigize Inteko Rusange ngarukamwaka ya 26 y’abayobozi bakuru ba Polisi zo mu Karere ka Afurika y’Iburasirazuba izaba kuri 29 Mutarama 2025, ku nsanganyamatsiko igira iti “Gushimangira ubufatanye bw’inzego zishinzwe kubahiriza amategeko mu Karere mu kurwanya iterabwoba, ibyaha byambukiranya imipaka n’ibyaha by’inzaduka.”

Iyi nama iraba igizwe n'ibiganiro bihuza Komite zitandukanye n'amahugurwa, aho ibizavugirwamo bizatanga amahirwe yihariye yo gusangizanya ubunararibonye, kurebera hamwe ibimaze kugerwaho no kuganira ku ngamba zo kurushaho guhangana n'ibibazo byugarije Akarere

Nk'uko byatangajwe na Polisi y'u Rwanda, iyi nama iri kubera ku cyicaro gikuru cya Polisi ku Kacyiru, ikaba igamije kongera imbaraga mu bufatanye bw’inzego zishinzwe kubahiriza amategeko mu karere k’Afurika y’Iburasirazuba.

Iyi nama ni imwe mu nama zigize inteko rusange ngarukamwaka ya 26 y’abayobozi bakuru ba Polisi zo mu Karere k’Afurika y’Iburasirazuba, izaba ku itariki ya 29 Mutarama 2025, ku nsanganyamatsiko igira iti "Gushimangira ubufatanye bw’inzego zishinzwe kubahiriza amategeko mu karere mu kurwanya iterabwoba, ibyaha byambukiranya imipaka n’ibyaha by’inzaduka."

Mu kiganiro cyatangijwe na CG Felix Namuhoranye, yagarutse ku kamaro ko gusangizanya ubunararibonye n’ingamba mu gukumira no kurwanya ibibazo bikomeje kwibasira akarere.

Yashimye uburyo imikoranire hagati ya Polisi y’u Rwanda n’izindi nzego zo mu karere igenda ishyirwa mu bikorwa neza, ndetse asaba ko hakomeza gushyirwaho ingamba zihamye mu rwego rwo guhangana n’iterabwoba, ibyaha byambukiranya imipaka, n’ibyaha by’inzaduka.

Ni inama ikubiyemo ibiganiro bitandukanye, bihuza Komite zitandukanye, ndetse n'amahugurwa aganisha ku gufasha abari mu nzego zishinzwe umutekano kungurana ibitekerezo no kurebera hamwe ibimaze kugerwaho.

Iyi nama yitezweho kugira uruhare mu gutanga ingamba nshya zo kurushaho gukumira ibibazo by’umutekano bikomeje kwibasira ubuzima bw’abaturage mu karere k’Afurika y’Iburasirazuba.