Amarangamutima ya Vinicius uri mu nzira zo gukuraho agahigo ka Ronaldo muri Real Madrid

Kuwa Gatatu ni bwo ikipe ya ikipe ya Real Madrid yanyagiraga RB Salzburg ibitego 5-1 mu mukino wo ku munsi wa 7 wa UEFA Champions League.

Muri ibi ibitego harimo bibiri bya Vinicius Junior yatsinze ku munota wa 55 n'uwa 77 ahita yuzuza ibitego 101 atsinze kuva yagera muri Real Madrid.

Uyu mukinnyi kandi yahise asatira gukuraho agahigo gafitwe na Ronaldo k'umukinnyi ukomoka muri Brazil watsindiye ibitego byinshi Real Madrid aho we yatsinze ibitego 104 hagati ya 2002 na 2007.

Vinicius Junior yatangaje ko ashimishwa no gutsinda ibitego ari mu mwambaro wa Real Madrid. Ati: "Nshimishishwa no gutsinda ibitego ndi muri uyu mwambaro. Ndabura ibitego bitatu ngo mfate Ronaldo, ku kuba umunya Bresil ufite ibitego byinshi muri uyu mwambaro. Reka nizere ko nshobora gutsinda byinshi".

Yavuze ko yatunguwe no kuba yabaye umukinnyi w'umukino dore ko yari yakinnye nabi igice cya mbere ndetse akaba yabonaga hari abandi bagenzi be bari bagikwiye. Yagize ati: "Numvaga ntakinnye neza mu gice cya mbere. Rodry yari abikwiye, Jude, ndetse n'abandi bakinnyi benshi. Ariko nishimiye intsinzi n'ibitego, nubwo nakinnye nabi."

Abajijwe ku bijyanye n'ahazaza he yavuze ko ari we muntu wishimye mu Isi bijyanye nuko yinjiye mu mateka ya Real Madrid. Ati: "Ibitego 101 mu ikipe y'inzozi zanjye. Naje nkiri umwana kandi kuba nshobora kwinjira mu mateka y'iyi kipe bingira umuntu wishimye ku isi ”.

"Ndashimira abakinnyi bagenzi banjye bose bamfashije kugera kuri iyi mibare. Hala Madrid ”.

Kugeza ubu Vinicius Junior muri Champions League amaze gukina imikino 6 akaba yaratsinzemo ibitego 7 ndetse yaratanze umupira 1 wavuyemo igitego.

Vinicius Junior ni we wabaye umukinnyi w'umukino

Vinicius Junior yahawe umwambaro ugaragaza ko yujuje ibitego 100