Ikipe ya AEL Limassol ikina shampiyona y'icyikiro cya mbere muri Cyprus yifurije gukira vuba umukinnyi wayo Imanishimwe Emmanuel Mangwende wabazwe nyuma yo kugira ikibazo cy'imvune yo mu ivi.
Iyi kipe yifurije gukira vuba uyu mukinnyi w'ikipe y'igihugu y'u Rwanda, Amavubi, kuri uyu wa Kabiri tariki ya 21 Mutarama 2025 ibinyujije ku mbuga nkoranyambaga zayo.
Ni nyuma yuko Imanishimwe Emmanuel Manguende ataherukaga kugaragara mu kibuga bijyanye n'imvune yo mu ivi yari yagize none bikaba byabaye ngombwa ko abagwa.
Yaherukaga mu kibuga mu mukino ikipe ye ya AEL Limassol yanganyijemo na ALS Omonia 1-1 tariki ya 14 Ukuboza mu mwaka ushize wa 2024.
Nk'uko amakuru abivuga, Imanishimwe Emmanuel Manguende ashobora kuzasubira mu kibuga muri Werurwe aho muri uko kwezi Amavubi azaba anafitanye umukino na Nigeria mu gushaka itike y'igikombe cy'Isi cya 2026.
Kugeza ubu AEL Limassol iri ku mwanya wa 9 ku rutonde rwa shampiyona n'amanota 20.
AEL Limassol yifurije Manguende gukira vuba
Eng
RSS 
TANGA IGITECYEREZO