Ikipe ya Gasogi United yasinyishije rutahizamu ukomoka mu gihugu cya Sénégal, Alioune Mbaye wari umaze amezi 5 adafite ikipe nyuma y'uko atandukanye na Club Africain yo muri Tunisia.
Iyi kipe niyo yabitangaje ku gicamunsi cyo kuri wa Mbere tariki ya 6 Mutarama 2025 ibinyujije ku mbuga nkoranyambaga zayo.
Alioune Mbaye yari amaze amezi 5 nta kipe afite nyuma y'uko yari yaratandakunye na Club Africain yo muri Tunisia ayireze mu impuzamashyirahamwe y'umupira w'amaguru ku Isi, FIFA, bitewe nuko bari bamaze amezi 5 batamuhemba.
Uyu mukinnyi yari yarageze muri iyi kipe muri 2022 avuye muri Niarry Tally y'iwabo muri Senegal. Gasogi United yatangaje ko yasinyishije uyu mukinnyi nyuma y'uko yaherukaga gutangaza ko yatandukanye na Syntric Baloukoulou.
Aliouane Mbaye aje asanga bagenzi be b'Abanya Senegal muri shampiyona y'u Rwanda nka Aliouane Souane uba muri APR FC, Fall Ngagne, Khadime Ndiaye, Youssou Diagne na Omar Gning ns Rayon Sports na Charif Bayo ukina muri Kiyovu Sports.
Alioune Mbaye ashyira umukono ku masezerano ya Gasogi United
Alioune Mbaye arikumwe na Perezida wa Gasogi United, Kakooza Nkuliza Charles nyuma yuko ayisinyiye
Eng
RSS 
TANGA IGITECYEREZO