Udushya twaranze umukino wa APR FC na Mukura VS wabonetsemo ibitego birimo ubuhanga-VIDEO

APR FC yatsinze Mukura VS ibitego 4-2 mu mukino w’umunsi wa 13 wa shampiyona y'icyiciro cya mbere mu Rwanda wakinwe kuri uyu wa Gatandatu Saa cyenda muri Kigali Pelé Stadium.

Ni umukino watangiye Mukura VS iri ku rwego rwo hejuru kuko ku munota wa 16 Abdul Jalilu yayitsindiye igitego cya mbere. Mukura VS yatsinze igitego cya kabiri APR FC itarabona igitego cya mbere kuko ku munota wa 22 Boateng Mensah yayitsindiye igitego cya kabiri.

Ubwo igice cya mbere cyari kigiye kurangira, APR FC yabonye igitego cyo kuyiha icyizere, cyatsinzwe na Dushimirimana Olivier. Mu gice cya kabiri APR FC yari igarukanye imbaraga zidasanzwe yabonye igitego cya kabiri cya Tuyisenge Arsene.

Mu munota wa 73, Niyigena Clement yatsinze igitego cya gatatu ku ishoti rikomeye cyane, maze ku munota wa 77’ Alan Kwitonda wagiye mu kibuga abafana bagakoma amashyi atsinda igitego cya kane cya APR FC maze ikipe ikomeza kujya mu bicu, umukino urangira ibite ibitego 4-2 bya AS Kigali.

Gutsinda uyu mukino byatumye ikipe ya APR FC yongera gushimangira ko iri kugaruka mu bihe byiza, igira amanota 25, kandi iracyafite umukino w’ikirarane. Mukura yo gutsindwa uyu mukino byatumye iguma ku manota 17.

">

">

">

">