Umukinnyi w'ikipe y'igihugu y'u Rwanda, Amavubi, Samuel Gueulette ahataniye igihembo cy'umukinnyi mwiza w'ukwezi mu ikipe ye ya Raal La Louviere ikina shampiyona y'icyikiro cya *abiri mu Bubiligi.
Iyi kipe ibinyujije ku mbuga nkoranyambaga zayo kuri uyu wa Kane nibwo yatangaje Abakinnyi bane bagomba gutorwamo umukinnyi mwiza w'u kwezi turi gusoza ku Gushyingo.
Muri aba bakinnyi harimo Umunyarwanda, Samuel Gueulette, Mouhamed Belkheir,Fadel Gobitaka ndetse na Adrien Bongiovani.
Uyu mukinnyi w'Amavubi ukina mu kibuga hagati afasha ba rutahizamu gusatira, ahataniye iki gihembo nyuma y'uko muri uku kwezi yitwaye neza ndetse mu mukino uheruka ikipe ye ya Raal La Louviere yanyagiyemo Lommel yatsinzemo igitego ndetse akanatangamo umupira wakivuyemo.
Samuel Gueulette yageze muri iyi kipe ikina shampiyona y'icyikiro cya Kabiri mu Bubiligi muri 2021 avuye mu ikipe ya K.S.V. Roeselare nayo yo muri iki gihugu.
Kugeza ubu Raal La Louviere iri ku mwanya wa Kabiri muri shampiyona aho inganya amanota n'ikipe ya mbere ikaba izasubira mu kibuga ikina n'ikipe ya Eupen ku Cyumweru.
Samuel Gueulette uhataniye igihembo cy'umukinnyi mwiza w'uku kwezi kwa 11 mu ikipe ye ya Raal La Louviere
Eng
RSS 
TANGA IGITECYEREZO