Umunya Kenya kazi Ruth Chepngetich yaciye agahigo ko kuba umugore wa mbere ku isi ubashije kwiruka intera ingana na 26.2km mu gihe gito.
Madamu Ruth Chepngetich w’imyaka 30 y’amavuko kuri iki cyumweru yaciye agahigo ko kwiruka 26.2km mu gihe gito, abigeraho nyuma yo gukoresha amasaha abiri, iminota icyenda n'amasegonda 57.
Ruth Chepngetich akimara guca aka gahigo yahise ashyira ku ruhande
umunya Ethiopia kazi Tigst Assefa we wirutse intera ingana gutya akoresheje amasaha abiri, iminota 11 n'amasegonda 53.
Ruth Chepngetich akimara guca aka gahigo, yabaye umugore wa mbere ku
isi wirutse intera ingana na 26.2km hasi y’amasaha abiri n’iminota icumi.
Umunya Ethiopia Tigst Assefa wari ufite aka gahigo mbere y’uko Ruth
Chepngetich agaca, yari yabigezeho mu marushanwa ya Berlin Marathon aho
yakoresheje amasaha abiri n’iminota 11 n'amasegonda 53.
Ibi Ruth Chepngetich yabigezeho nyuma yo kwiruka
intera ingana na 26.2km yiruka amasaha abiri, iminota 9 n'amasegonda 57,
abikorera mu isiganwa rya Chicago Malathon.
Nyuma yo guca aka gahigo, Ruth Chepngetich wegukanye shampiyona y’isi
mu gusiganwa ku maguru muri 2019 yagize ati: ”Ndiyumva neza. Uyu ni we njye wa nyawe kandi
ni inzozi narose kuva kera zabaye impamo.
Uyu ni umukino nkunda, nahoze ndwana no kugira agahigo kihariye
nazakora muri uyu mukino, none icyo nshimira Imana ni uko aka nkagezeho".
Chicago Marathon yifitemo umwihariko kuko abagore bane muri batanu bafite
uduhigo two kwiruka intera ndende mu gihe gito, niho bakoreye utwo duhigo muri
iyi myaka itandatu ishize.
Umunyakenyakazi uth Chepngetich yaciye agahigo ko kuba umugore wa mbere wirutse inera ingana na 26.2km mu gihe gito
TANGA IGITECYEREZO