Harimo n'amaze imyaka irenga 800! Ubwoko 10 bw’amafaranga ashaje cyane agikoreshwa ku Isi

Ifaranga rya kera cyane rigikoreshwa muri iki gihe ni iryitwa 'British pound' ryakozwe mu gihe cya Anglo-Saxon mu kinyejana cya munani, rikoreshwa mu bihugu by'u Bwongereza.

Hirya no hino ku Isi usanga ibihugu bitandukanye bifata igihe bigahindura ubwoko bw’amafaranga bikoresha; ibi ntabwo bipfa kurotwa na Banki Nkuru zabyo ahubwo bituruka ku mpamvu zitandukanye zirimo n’umutekano wayo.

Dufashe urugero ku Rwanda, amateka agaragaza ko Ifaranga ryatangiye gukoreshwa mu Rwanda mu hagati y’umwaka wa 1914 ubwo Ababiligi batangizaga ifaranga rigasimbura urupiya (Deutsch-Ostafrikanische Rupie) ryakoreshwaga ku gihe cy’Abakoloni b’Abadage.

Kuva icyo gihe mu Rwanda hakoreshejwe Ifaranga rya Congo-Mbiligi, kera kabaye risimburwa n’Ifaranga ryari risangiwe n’u Rwanda n’u Burundi.

Nyuma y’ubwigenge bw’ibihugu byombi nibwo hatangiye gukoreshwa ifaranga ry’u Rwanda nyirizina, gusa zaba inoti cyanwa ibiceri, byagiye bihindurwa uko iminsi yagiye ishira kugeza na n’ubu.

Zimwe mu mpamvu zituma igihugu gifata icyemezo cyo guhindura amafaranga, harimo kuba hari igihe Banki Nkuru y’Igihugu ijya gukoresha amafaranga yashaje igasanga ibyo akorwamo byarahindutse cyangwa bitakiboneka bitewe no gutera imbere kw’ikoranabuhanga, bikaba ngombwa ko bahitamo gukoreshwa ibihari bigezweho, amafaranga akaba ahindutse atyo.

Hari igihe igihugu kinjira mu bihe by’intambara ndetse bigatuma abanyagihugu bahunga, aba bashobora guhungana amafaranga menshi ndetse bakajya aho iyo banki iba itakibasha kugenzura ayo mafaranga.

Ku bw’ibi, Banki ifata icyemezo cyo guhindura amafaranga bigatuma abayahunganye bayagarura kugira ngo atabapfira ubusa.

Uru, ni urutonde rw'ubwoko 10 bw'amafaranga ashaje cyane kurusha ayandi ku isi akaba agikoreshwa no muri iki gihe, nk'uko rwatangajwe na Visual Capitalist: