Uko QD yababajwe n’urupfu rwa Dore Imbogo bikamutera kwicuza icyatumye amuririmba-VIDEO

Ku wa 02 Mutarama 2024 ni bwo urugendo rwa QD rwatangiye mu muziki nyarwanda, iyo tariki ikaba ariyo yashyiriye hanze ‘Teta’ indirimbo yamufunguriye amarembo.

Amarembo yakomeje gufunguka kuri uyu musore ku wa 22 Nyakanga 2024 yongeye gushyira hanze indirimbo yise ‘Mesaje’ yakoranye na Social Mula nayo yakiriwe neza.

Mu kiganiro cyihariye yagiranye na InyaRwanda, yagarutse byihariye ku bihe bitoroshye yanyujijwemo n’urupfu rwa Dore Imbogo yaririmbyeho.

Ati”Twarahuraga kuko umujyanama wanjye akoresha ibiganiro yazaga no mu rugo tukanavugana ahubwo ikintu cyantunguye nagiye kuri Tik Tok nsanga ahubwo bari kunyiha.”

Yongeraho ati”Ngo aba bana baririmba umuntu ni biki ni biki, kuri Tik Tok ziriho ari nyinshi gusa nyine byarambabaje ibaze ko nageze aho nkicuza nyine impamvu namuririmbye mu ndirimbo yanjye.”

Agaruka ku cyamuteraga kwicuza, ati”Nkavuga ngo ni ukubera iki naririmbye ngo Dore Imbogo araza akakwicaza, nyine byarambangamiye kumva ko yitabye Imana.”

Akomeza avuga ku kintu Dore Imbogo yajyaga avuga ku kuba QD yaramuririmbye, ati”Dore Imbogo we nta gitima kibi yigiriraga ni kwa kundi nyine.”

Yongeraho ati”Abantu baramubwiraga ngo ko bavuze ko nta mpano ufite akisekera, nyine ngo watekereje ku ndirimba gute, ni ibyo yabaga ambaza.”

KANDA HANO UREBE 'MESAJE' QD YAKORANYE NA SOCIAL MULA

">

QD yavuze ku buryo yakiriyemo igera kure ry'indirimbo 'Teta' n'uburyo yashenguwe n'urupfu rwa Dore ImbogoUrupfu rwa Dore Imbogo rwababaje benshi