Chidimma Adetshima wikuye mu irushanwa rya Miss South Africa 2024 nyuma y’uko ubwenegihugu bwe bushidikanyijweho, yashyizwe mu bari guhatana mu irushanwa rya Miss Universe Nigeria, kandi agaragaza ko aramutse atsinze yiteguye kuzaserukira iki gihugu muri Miss Universe.
Mu butumwa yanyujije kuri konti ye ya Instagram mu
ijoro ryo kuri uyu wa Gatandatu tariki 16 Kanama 2024, uyu mukobwa yagaragaje
ko yemeye ubutumire yahawe n’abategura irushanwa rya Miss Universe Nigeria, aho
batangiye urugendo rwo gushakisha umukobwa uzaserukira iki gihugu. Ati “Ntegerezanyije
amatsiko yo kuzitabira amarushanwa azwi cyane yo muri Afurika.”
Uyu mukobwa yitabiriye irushanwa rya Miss South Africa
afite intego yo kuritwara, ariko yaje kwiheba mu minsi ya nyuma y’iri rushanwa,
nyuma y’uko bamwe mu bakoresha imbuga nkoranyambaga bashidikanyije ku bwenegihugu
bwe.
Hari abakoresha imbuga nkoranyambaga bibajije niba uyu
mukobwa afite ubwenegihugu bwa Nigeria biturutse ku kuba Se ari umunya-Nigeria.
Ni mu gihe Nyina afite inkomoko muri Mozambique.
Iperereza ryakozwe kuri uyu mukobwa ryagaragaje ko
Nyina w’uyu mukobwa Adetshina ashobora kuba yarakoze amanyanga kugirango abone
ubwenegihuigu bwa Afurika y’Epfo.
Nyuma y’ibi birego byose n’ibindi bitutsi byatambukaga
umusubirizo ku mbuga nkoranyambaga, uyu mukobwa yafashe “umwanzuro utoroshye”
ava muri iri rushanwa kubera umutekano w’umuryango we no ku neza y’ubuzima bwe.
Abategura Miss Universe Nigeria bavuze ko bahaye ubutumire uyu mukobwa kubera ko “urugendo rwe mu marushanwa ya Miss ku rwego mpuzamahanga rutararangira.”
Bavuze ko bafite icyizere cy’uko uyu mukobwa azashobora
guhagararira igihugu cya Se kavukire ku rwego mpuzamahanga naramuka atsinze.
Uzatsinda Miss Universe Nigeria azaserukira iki gihugu muri Miss Universe izaba
mu mpera y’uyu mwaka.
Ku wa Gatandatu w’icyumweru gishize, nibwo irushanwa
rya Miss South Africa ryasojwe ryegukanwe na Mia Le Roux wabaye umukobwa wa
mbere ufite ubumuga bwo kutumva wegukanye iri kamba.
Chidimma aramutse atsinze akegukana ikamba rya Miss
Universe Nigeria, yazahurira mu irushanwa rimwe na Miss Le Roux muri Miss
Universe mu Ukwakira 2024.
Chidimma yahawe ikaze mu irushanwa rya Miss Universe
Nigeria aho Se afite inkomoko
Chidimma yagaragaje ko yiteguye kuzitabira iri
rushanwa kandi afite itengo yo gutsinda
Chidimma yikuye muri Miss South Africa kubera ko
ubwenegihugu bwe bwashidikanyijweho
Chidimma yatangiye guhatana mu matora yo kuri internet
TANGA IGITECYEREZO