Umunya Burkina Faso Stephan Aziz Ki ukinira Young Africans yo muri Tanzania, ni we watowe nk'umukinnyi mwiza wa shampiyona ya Tanzania, MVP Most (Valuable Player).
Mu ijoro ryo ku wa Kane ni bwo Stephan Aziz Ki ukinira Young Africans yakiriye igihembo cya MVP wa shampiyona ya Tanzania, igihembo yashyikirijwe na Minisitiri ushinzwe Ubugeni, Umuco na Siporo muri Tanzania, Mr Grayson Msigwa.
Ibi bihembo byatangiwe mu gace ka Masaki I Dar es Salaam. Uretse kuba Stephen Aziz Ki yabaye MVP, yanatowe nk'umukinnyi mwiza ukina mu kibuga hagati, anahembwa nk'umukinnyi watsinze ibitego byinshi, aho yasoje umwaka w'imikino wa 2023-2024 afite ibitego 21.
Kuri iyi ngingo y'uwatsinze ibitego byinshi, Stephan Aziz Ki yabonye iki gihembo nyuma yo gukubita inshuro Feisal Salum Abdallah wa AZAM wasoje umwaka w'imikino afite ibitego 19, nawe akina mu kibuga hagati. Stephen Aziz Ki, we yanahawe itike yo kujya gutemberera i Dubai hamwe n'umuryango we.
Umunyezamu Ley Mantampi wa Costal Union ni we watowe nk'umuzamu w'umwaka, aho yaje ahigitse Djigui Diara wa Young Africans na Ayoub Lakred wa Simba.
Mu bindi bihembo byatanze harimo igitego cy'umwaka, aho hahembwe igitego cya Kipre Junior wa AZAM FC, ikipe ya Mtibwa Sugar nayo ihembwa nk'ikipe yagaragaje imyitwarire myiza mu mwaka w'imikino.
Stephen Aziz Ki yatowe nka MVP wa Shampiyona ya Tanzania
Ki Aziz asanzwe yitwara neza muri Shampiyona ya Tanzania
TANGA IGITECYEREZO