Yibitseho Ballon D'or: Urugendo rwa Michael Owen utegerejwe i Kigali

Umunyabigwi Michael Owen yabonye izuba ku itariki 14 Ukuboza mu 1979, amazina ye yose ni Michael James Owen.

Michael Owen yavukiye mu gace ka Chester mu Bwongereza, Nyina  yitwa Jeanette Owen, naho Se akitwa Terry Owen.

Michael Owen James, akiri muto, yakundaga gukina umupira w'amaguru na Basketball bihebuje, ariko agakunda umupira w'amaguru cyane.

Ibyo gukina umupira w'amaguru, Michael Owen yabikomoye kuri Papa we Terry Owen, kuko yakiniye amakipe arimo Bradford City, Chester City, Port Vale, Rochdale na Cambridge United.

Mu gushyira mu bikorwa, ibyo yakundaga, Michael Owen yakundaga gukinira umupira ku ishuri rya Mold Alexandra akiri umwana muto. 

Ku myaka 12 y'amavuko, Michael Owen yinjiye muri Liverpool y'abakiri bato, ayikinira kuva mu 1991 kugera mu 1996.

Mu 96, Michael Owen wari umaze kugaragaza urwego rudasanzwe rwo gukina umupira w'amaguru, byumwihariko asatira izamu, yazamuwe muri Liverpool nkuru.

Kuva mu 1996, Michael Owen James yakiniye Liverpool, aza gutandukana nayo mu 2004. Muri iyo myaka yamaze muri Liverpool, yayikiniye imikino 216, ayitsindira ibitego 118.

Ubwo yari akimara gutandukana na Liverpool muri 2004, Michael Owen yerekeje muri Real Madrid, ayimaramo umwaka umwe gusa, kuko yayivuyemo mu 2005.

Muri uwo mwaka Michael Owen yamaze muri Real Madrid, yakiniye iyi kipe imikino 36 ayitsindira igitego 13.

Muri 2005 Michael Owen akimara gutandukana na Real Madrid, yasubiye mu Bwongereza, ajya muri Newcastle United, ayayikinira imyaka ine, kuko yayivuyemo muri 2009 aho yakinnye imikino 71, atsinda ibitego 26.

Nk'inzozi za buri Mwongereza wese wakinaga umupira w'amaguru, mu 2009 Michael Owen yerekeje muri Manchester United ya Sir Alex Ferguson, ayikinira kugera muri 2012.

Muri Manchester United, Michael Owen yakinnye imikino 31, atsinda ibitego bitanu gusa.

Nyuma yo kudatanga umusaruro ukomeye muri Manchester United, mu 2012 ubwo Manchester United yari itandukanye na Sir Alex Ferguson na Michael Owen yatandukanye nayo, ajya muri Stoke City, ayikinira imikino umunani, atsinda igitego kimwe.

Mu  2013, Michael Owen wari muri Stoke City, yahisemo kureka umupira w'amaguru. Mu rugendo rwe, mu makipe asanzwe, Michael Owen yakinnye imikino 362, atsinda ibitego 163.

Michael Owen yanakiniye ikipe y'igihugu y' u Bwongereza. Mu ikipe y'igihugu, Michael Owen yakinnye imikino 89, ayitsindira igitego 40.

Kuva yahagarika ibyo gukina umupira w'amaguru, Michael Owen yayobotse ibyo gusesengura imikino itandukanye kuri Televiziyo.

Kugeza ubu Michael Owen amaze kugira umuryango w'abantu batandatu, kuko we n'umugore we Louise Bonsoll bibarutse abana bane.

Abana ba Michael Owen na Louise Bonsoll, harimo Gemma ufiye imyaka 19 y'amavuko, Michael James w'imyaka 16 y'amavuko, Emliy May w'imyaka 14 na Jessica w'imyaka 12 y'amavuko.

Mu mwaka wa 2001, Michael Owen ubwo yakiniraga Liverpool, yegukanye Ballon D'or, ubu ni umukinnyi wa kabiri wegukanye Ballon D'or akiri muto inyuma ya Messi, kuko icyo gihe Michael Owen yari afite imyaka 22 n'iminsi ine.

Michael Owen yakiniye Liverpool, ayivamo yegukanye Ballon D'or 

Michael Owen ya akiniye Real Madrid 

Michael Owen, yanabaye icyogere muri Manchester United