Ikipe ya Real Madrid yegukanye igikombe cya shampiyona y'icyiciro cya mbere muri Espagne cya 2023-24 nyuma y'uko FC Barcelona ikoze amakosa itsindwa na Girona gusa hari amafaranga igomba kubona.
Ku munsi w'ejo ku wa Gatandatu nibwo iyi kipe Real Madrid yegukanye iki gikombe cya 36 mu mateka yayo ku va mu 1902 yashingwa.
Byari nyuma y'uko yo yari yatsindiye Cadiz ibitego 3-0 bya Brahim Diaz,Jude Bellingham na Joselu naho FC Barcelona yo bikarangira itsinzwe na Girona ibitego 4-2.
Nk'ibisanzwe ikipe yegukanye igikombe hari amafaranga iba igomba kubona,ubwo bivuze ko na Real Madrid ari uko bimeze. Ubundi ubusanzwe muri shampiyona y'icyiciro cya mbere muri Espagne amakipe agabana amafaranga angana na 1/4 cy'ayaturutse muri za televiziyo zaguze ku kwerekana imikino bikagendana n'umwanya buri kipe iba yararangirijeho.
Ikipe yatwaye igikombe cya shampiyona yo yegukana 17 % byayo mafaranga yose , ikipe yabaye iya kabiri igatwara 15% mu gihe iyabaye iya 3 ihabwa 13% .
Bigendanye n'abayobozi ba Laliga ibyo bigeze gutangaza mu mwaka washize w'imikino wa 2022-23 ku bijyanye n'amafaranga binjiza avuye muri za televiziyo zerekana imikino yabo,bavuze ko amafaranga agabanywa amakipe yo mu cyiciro cya mbere ari Miliyoni 313 z'Amayero bitewe n'uko na buri kipe yitwaye.
Ubwo ikipe yatwaye igikombe cya shampiyona bakayiha Miliyoni 53 z'amayero gusa ntibahite bayayiha ako kanya kubera ko bisaba imyaka 5 aho buri mwaka bagenda bayiha Miliyoni 18.6 z'Amayero kuzageza arangiye.
Ikipe ya Real Madrid ni uko izagenda ihabwa amafaranga nyuma y'uko yegukanye igikombe cya shampiyona.
Eng
RSS 
TANGA IGITECYEREZO