FC Barcelona yihereye Real Madrid igikombe cya shampiyona cya 36

Kuri uyu wa Gatandatu nibwo muri shampiyona y'icyiciro cya mbere muri Espagne hakinwaga imikino yo ku munsi wa 34. 

Saa kumi n'ebyiri n'iminota 30 Girona yari yakiriye FC Barcelona kuri Estadi Municipal de Montilivi.

Ikipe ya FC Barcelona yasabwaga gutsinda uyu mukino kugira ngo ikomeze gutinza ibyo gutwara igikombe cya shampiyona ya 2023 -2024 kuri Real Madrid yo yari yatsinze Cadiz ibitego 3-0 mu mukino wayo yakinnye uyu munsi saa kumi n'iminota 30.

Byarangiye ikipe ya FC Barcelona inaniwe gutinza ibirori bya Mukeba itsindwa na Girona ibitego 4-2. Real Madrid yahise yegukana igikombe kubera ko yahise igira amanota 87 irusha FC Barcelona iyikurikiye amanota 13 kandi hakaba hasigaye imikino 4 ngo shampiyona irangire.

Ni igikombe cya 36 cya shampiyona ya Espagne Real Madrid yegukanye mu mateka yayo kuva yashingwa mu 1902 ikaba yagiherukaga mu mwaka w'imikino wa 2021-22.

Real Madrid yegukanye igikombe cya shampiyona cya 36