UEFA yongereye umubare w'abakinnyi ku ikipe izakina Euro

Ishirahamwe ry'umupira w'amaguru i Burayi, UEFA, ryatangaje ko ikipe igomba kwitabira amarushanwa ya Euro mu mpeshyi, yemerewe kujyana abakinnyi 26 aho kuba 23.

Ibi UEFA yabyemeje nyuma y'uko muri Mata, habaye Inama yiga ku kongera umubare w'abakinnyi mu ikipe, iki gitekerezo kigatorwa cyane.

Euro ya 2020 yakinwe muri 2021 kubera Civide 19, nayo buri kipe yari yemerewe abakinnyi 26, ariko ibyo byari byakozwe mu buryo bwo guhangana na Covid-19 yari imaze imyaka ibiri ibica bigacika.

Bieganyijwe ko buri kipe izakina Euro izatanga muri UEFA urutonde rw'abakinnyi izifashisha bitarenze itariki 7 Kamena, kubera ko amarushanwa nyirizina azatangira ku itariki 14 Kamena.

Ku itariki 14 Kamena, umukino wa mbere uzahuza ikipe y'igihugu y'u Budage na Scotland, mu gihe u Bwongereza buhabwa amahirwe yo gutwara iki gikombe buzakina na Serbia ku itariki 16 Kamena.

UEFA yatangaje ko ikipe izakina Euro yemerewe gukoresha abakinnyi 26

Ku itariki 14 Kamena imikino ya Euro izatangira mu Budage 

Ubwongereza buhabwa amahirwe yo gutwara Euro, buzamanuka mu kibuga ku itariki 16 Kamena hamwe na Serbia