Manchester United na Manchester City, nizo zizacakirana ku mukino wa nyuma wa FA Cup, neza neza nk'uko byagenze mu mwaka wabanje.
Manchester United yatsinze Coventry City, mu mukino wa kimwe cya kabiri muri FA Cup, ihita isanga Manchester City ku mukino wa nyuma nayo yahageze itsinze Chelsea igitego kimwe ku busa cya Bernardo Silva.
Kuba Manchester City izacakirana na Manchester United ku mukino wa nyuma, ni na ko byari byagenze mu mwaka wabanje, aho umukino warangiye Manchester City yegukanye igikombe.
Umukino wa nyuma wabaye muri 2023, Manchester City yegukanye igikombe itsinze Manchester United ibitego bibiri byatsinzwe na Ilkay Gundogan, kuri kimwe cya Manchester United cyatsinzwe na Bruno Fernandez.
Kugira ngo Manchester United igere ku mukino wa nyuma, byayisabye kuzamuka umusozi, kubera ko umukino warangiye amakipe yombi anganya ibitego bitatu, bikarangira Manchester United ikomeje kuri Penaliti.
Abakunzi ba Manchester United bakubiswe n'inkuba, kubera ko bisanze ikipe yabo iri kunganya na Coventry City ibitego bitatu, kandi Manchester United yari yigeze kuyobora umukino n'ibitego bitatu ku busa.
Ibitego bitatu bya Manchester United byatsinzwe na Harry Maguire, Scott McTominay na Bruno Fernandez.
Ubwo Manchester United yari iyoboye umukino n'ibitego bitatu ku busa, Coventry City yiminjiriyemo agafu ibitego bitatu irabyishyura birangira amakipe yombi akijijwe na Penaliti. Ibitego bya Coventry City byatsinzwe na Simms, O'Hare na Wright.
Muri Penaliti, Manchester United yatsinze Penaliti enye, naho Coventry City itsinda Penaliti ebyiri.
Manchester United yasezereye Coventry City kuri Penaliti, isanga Manchester city ku mukino wa nyuma wa FA Cup
Manchester city yageze ku mukino wa nyuma isezereye Chelsea
Umwaka ushize nawo Manchester united ystsunzwe na Manchester City ku mukino wa nyuma wa FA Cup
TANGA IGITECYEREZO