Sacha Kate na Jeanine Noach bagaragarijwe urukundo na Tanasha Donna bahuriye i Dubai

Niba ugenderera Dubai ntakuntu waba utazi Nobu imwe muri resitora zihagazeho zigira amafunguro meza atetse mu buryo bw’Abayapani.

Iherereye muri Atlantis niyo Sacha Kate na Jeanine Noach bahuriyemo na Tanasha Donna nyuma y'uko bafatanye ifoto, uyu munya-Kenya yaciye mu nyunganizi ku rubuga rwa Sacha ati”Ndabakunda.”

Aba nabo bamusubirishije imitima, bamugaragariza ko bamukunda. 

Gusa bose bakaba ari abagore bakunda mu buryo bugaragara ibijyana n’imyidagaduro byumwihariko ishingiye ku bwiza uhereye kuri Jeanine Noach wamamaye cyane ubwo yari mu rukundo na Cyusa Ibrahim.

Uyu mubyeyi kandi akaba ari umunyamuryango w’aba Mackenzie, itsinda ry’abakobwa ryamaze kubaka izina mu mideli n’ubwiza guhera kuri Miss Nishimwe Naomie n’abandi.

Hakaza kandi Sacha Kate umuhanzikazi wagiye agaragara muri nyinshi mu ndirimbo nk’umu Video Vixen ndetse akaba yaranigeze gukundanaho na Nizzo Kaboss wo muri Urban Boyz.

Muri iki gihe imbaraga nyinshi akaba azishyize mu guteza imbere ‘Brand’ ye ya Sacha K ikorerwamo ibikorwa bitandukanye birimo imyambaro n’ibindi.

Tanasha Donna na we akaba ari umuhanzikazi ariko ushyize imbaraga nyinshi mu birebana n’ubucuruzi bushingiye ku mideli,yamamaye cyane ubwo yakundanaga na Diamond Platnumz banafitanye umwana w’umuhungu.Tanasha Donna mu bihe bitandukanye agenda yifatanya na Sacha Kate amwifuriza isabukuru cyangwa yishimira intambwe yateye Sacha Kate muri iyi minsi ashyize imbaraga mu bijyanye no kumenyekanisha imyambaro n'ibindi akora Jeanine Noach ari mu bagore bakomeza gutigisa imyidagaduro nyarwanda mu bihe bitandukanyeSacha Kate ari mu bari n'abategarugori bamaze igihe kitari gito binjiye mu ruganda rw'imyidagaduroTanasha Donna, Sacha Kate na Jeannine Noach bahuriye i Dubai muri Nobu