Liverpool na Bayern zishobora gukura amaso kwa Xabi Alonso

Nta cyizere abo muri Liverpool bagifite ko bazegukana Xabi Alonso nk'umutoza wabo. Ahubwo Liverpool ishobora gutekereza undi uzasimbura Jurgen Klopp.

Ubwo Jurgen Klopp yatangarije Liverpool ko azatandukana nabo ubwo uyu mwaka w'imikino uzaba urangiye, Liverpool yatangiye gutekereza ku mutoza uzamusimbura, nuko iguma kwibanda kuri Xabi Alonso ariko na Bayern Munich ikaba nayo imushaka.

Impamvu amakipe ari kurwanira Xabi Alonso, ni uko muri uyu mwaka w'imikino, nta mukino n'umwe aratsindwa mu marushanwa yose muri Bayern Munich. 

Si Liverpool gusa igaragaza ko bigoranye kubona Xabi Alonso, na Uli Hoeness umwe mu bayobozi ba Bayern Munich yavuze ko bigoranye ko Xabi Alonso yazava muri Bayer Leverkusen, kandi amaze kubaka ikipe ikaba imaze kugera ku gasongero. 

Xabi Alonso wakinnye muri Liverpool, Real Madrid na Bayern Munich yatangiye umwuga wo gutoza muri 2018 ubwo yatozaga abana ba Real Madrid batarengeje imyaka 14. 

Nyuma yimyaka itatu, Xabi Alonso yahise ajya gutoza Real Sociedad mu ikipe ya kabiri, muri 2022 ahita ajya muri Bayer Leverkusen. Muri uyu mwaka w'imikino, ikipe ya Xabi Alonso ni iya mbere irarusha Bayern Munich ya kabiri amanota 10.

Amakipe amwifuza ahuriza ku ngingo ivuga ko bitashoboka ko Xabi Alonso asiga ibyo amaze kugeraho ngo ajye gutangira ubuzima bushya mu yindi kipe. 

Liverpool na Bayern Munich zombi ziri gukura amaso kuri Xabi Alonso utoza Bayer Leverkusen 

Mu myaka ibiri gusa, Xabi Alonso amaze kubaka Bayer Leverkusen ayigeza ku gasongero