Abakinnyi bose b'ikipe y'igihugu y'u Bwongereza,bose bakinnye n'ikipe y'igihugu ya Brazil bambaye ibitambaro by'umukara ku mabako mu rwego rwo kwibuka umunyabigwi wayo.
Ku munsi w'ejo kuwa Gatandatu Saa tatu z'ijoro kuri Wembley Stadium nibwo ikipe y'igihugu y'u Bwongereza yari yakiriye Brazil mu mukino wa gicuti.
Ni umukino warangiye Brazil itsinze igitego 1-0 ca Endrick wari winjiye mu kibuga asimbuye Rodrigo.Muri uyu mukino benshi bakomeje kwibaza icyatumye abakinnyi b'u Bwongereza bose bambara ibitambaro by'umukara.
Impamvu ni ukubera ko bari barimo baribuka uwahoze ari umukinnyi n'umutoza w'ikipe y'igihugu y'u Bwongereza,Terry Venables witabye Imana mu Gushyingo mu mwaka ushize wa 2023.
Yatoje u Bwongereza guhera mu 1994 kugeza mu 1996 abufasha kugera muri 1/2 mu irushanwa rya Euro aho bwakuwemo n'u Budage kuri penariti.
Terry Venables afatwa nk'umwe mu batoza babayeho bakomeye mu bihe bye kuko usibye u Bwongereza yanatoje andi makipe arimo Crystal Palace, QPR, Barcelona na Tottenham Hotspur.
Nk'umukinnyi yanyuze mu makipe arimo Chelsea, Tottenham, QPR, Crystal Palace ndetse n'ikipe y'igihugu y'u Bwongereza.
Abakinnyi b'u Bwongereza bakinnye bambaye ibitambaro by'umukara mu rwego rwo kwibuka Terry Venables wabaye umutoza w'iyi kipe y'igihugu akanayikinira
Eng
RSS 
TANGA IGITECYEREZO