Ahabanza Imyidagaduro

Twumvane indirimbo 10 z’amateka za Diplomat wasohoye ‘Icyuki Gikaze’-VIDEO

Yanditswe na: Abitije Seraphin Elise
Taliki:8/03/2024 11:38 0

Diplomat ari mu baraperi bafite igisobanuro gikomeye muri iyi njyana mu Rwanda ni gake ashyira hanze ibihangano, kuri ubu yongeye gukora mu nganzo ashyira hanze iyo yahuriyemo na Ismael Mwanafunzi na Li John.

Biragoye cyane kuba wakumva indirimbo y’uyu muraperi ukora ibintu bye mu buryo bwihariye cyane yaba mu myandikire no mu mihurize y’amajwi n’injyana.

Uwo ntawundi ni Diplomat uri mu bamaze igihe kitari gito akora umuziki ndetse rimwe na rimwe ibyo yanditse bisaba kubanza gusobanuza.

Kuri iyi nshuro nyuma y'uko yaherukaga gushyira hanze Kalinga yakuruye impaka, yongeye gukora mu nganzo ashyira hanze indirimbo yahuriyemo na Ismael Mwanafunzi na Li John.

Urebeye ku izina Icyuki Gikaze ushobora kuba wahita wibaza ko ari indirimbo irimo y’amagambo y’urubyiruko rwa none bita ibishegu nyamara uwo si Diplomat Fasasi.

Muri iyi ndirimbo yumvikanamo mu magambo akomeye aho agaruka ku buryo none umurwayi asigaye yitwa umukiliya, itsinda ry’ibihunyira rikaba ryitwa ‘Parliament’.

Tukaba twifuje kubibutsa zimwe mu ndirimbo z’uyu muraperi yashyize hanze zitandukanye harimo n'izo yahuriyemo n’abagenzi b’abaraperi n’abahanzi mu zindi njyana.

Diplomat Fasasi zimwe mu ndirimbo twabahitiyemo harimo Kalinga, Umwe Bavuze yakoranye na Bruce Melodie, Karibu yahuriyemo na The Ben, Kebuka Ngufotore na Gisa Nganzo, Uramfite Rmx yahuriyemo na Riderman na Yverry n’izindi. Inganzo ya Diplomat bamwe bayifata nka filozofi na we ubwe yifata nk'umusizi kuruta kuba umuraperiDiplomat amaze imyaka itari mike mu muziki nyarwanda akora mu buryo bwihariye