Ahabanza Imyidagaduro

Ice Spice, Usher na Lil Wayne mu bazasusurutsa ibirori bizaherekeza Super Bowl 2024

Yanditswe na: Brenda MIZERO
Taliki:7/02/2024 17:09 0

Hamaze gutangazwa abahanzi ndetse n'aba-DJ bazataramira abazitabira ibirori bizaherekeza umukino wa Super Bowl 2024 bizabera i Las Vegas.

Ku Cyumweru tariki 11 Gashyantare 2024, abakunzi b’umupira w’amaguru bazaba bahanze amaso kuri Allegiant Stadium, ahazabera umukino karundura wa Super Bowl LVIII wo muri shampiyona y'igihugu ya Amerika.

Haba mbere na nyuma y’uyu mukino hateganijwe ibirori bizaririmbwamo n’abahanzi bakomeye, bigamije gususurutsa abazitabira Super Bowl 2024.

Kuva kuri uyu wa Gatatu tariki 07 Gashyantare 2024 kugeza ku munsi nyirizina w’uyu mukino, hateguwe ibirori birimo icyiswe “Fred Minnick & Friends’ Big Game Bourbon,” ‘3rd Annual Playmakers Super Bowl Party,’ ‘Bud Light’s Backyard Tour,’ ‘The One Party by Uber,’ ‘The Fanduel Party Powered by Spotify,’ ‘Sports Illustrated The Party,’ ‘Taste of the NFL,’ ‘Big Game Immersive Viewing Party’ n’ibindi byinshi.

Mu bahanzi bazaririmba muri ibi birori bitandukanye harimo Post Malone, Usher, Lil Wayne, 50 Cent, T-Pain, Reba McEntire, Andra Day, Tiësto uzaba uri kuvanga umuziki, Maluma, Tyga, Zach Bryan, Diplo, Travis Scott, A$AP Ferg, Ice Spice, Meek Mill, Lil Baby, Fabolous, Ludacris, Ne-Yo, Bebe Rexha, KYGO, The Chainsmokers, 21 Savage, n’abandi benshi.

Uyu mukino uzahuza Kansas City Chiefs ibarizwamo Travis Kelce uri mu rukundo rukomeye n’umuhanzikazi Taylor Swift ndetse n’ikipe ya San Francisco 49ers.

Nyuma y’uyu mukino, hategerejwe ibirori karundura bizayoborwa na Dr. Dre afatanije na Snoop Dogg bizabera muri Encore Beach Club, iherereye muri Wynn Las Vegas.

Uyu mukino wa Shampiyona y’igihugu y’umupira w’amaguru uzabera muri Sin City, bikaba ari ubwa mbere leta ya Nevada igiye kwakira Super Bowl.

Lil Wayne na T-Pain bazatarama