Element na Bruce Melodie mu mboni za Ross Kana n’uburyo atinya ijisho rya Coach Gael-AMAFOTO

Izina Ross Kana riri mwamaze gukomera mu muziki w’u Rwanda ahanini bishingiye ku ndirimbo yahuriyemo na Element na Bruce Melodie, Fou De Toi.

Mu kiganiro kihariye yagiranye n’inyaRwanda yatangaje uko yishimiye uburyo abantu bakiyemo iyi ndirimbo ari mu babaye imvano yayo ati”Byararenze byarenze uko nabitekerezaga nanjye mbibonye rero nabonye ari amahirwe akomeye.”

Kubyerekaranye no kuba yaba yaratinze gushyira hanze indirimbo dore ko Fou De Toi ari iyo muri Gicurasi 2023 yagize ati”Birashoboka ko baba bararambiwe ariko necyereza ko ibyo nabakoreye byabahoza akababaro.”

Uko yabonye abantu bakiye Sesa mu masaha macye imaze yagize ati”Kugeza ubu abantu barimo barayishimira ndiguhura nayo ahantu hose nishimiye uburyo abantu barimo kuyifata.”

Ross Kana yagaragaje imbaraga zo kugira abagufasha ati”Harimo itandukaniro rikomeye kuba umuhanzi ukora wenyine birakomera ariko ufite itsinda mukorana biroroha.”

Yishimira kuba uyu munsi abana muri 1:55AM na Bruce Melodie na Element ati”Nabo kwigiraho bafite inararibonye gusanga abazi uko ibintu bikorwa biba biri bworohe ko na we wabikora neza.”

Avuga ikintu kihariye kuri bo ati”Ni abakozi pe noneho umurava bagira mukazi ubwabyo ushobora kubibona ugahita ufata umurongo ubarimo uburyo bakora akazi n’urukundo rwo gukunda umurimo uhita ubyisangamo na we.”

Yagaragaje ko atinya uburyo Coach Gael abonamo ibintu ati”Uriya mugabo afite ubushobozi bwo kumenya icyo umuntu ashoboye kuruta abandi ni ukuvuga ashobora ku kubona hagati mu bantu batakwemera we akakwemera kubera ikintu akubonamo abandi batabona.”Ross Kana yaririmbiye abitabiye imurikwa rya EP ya Okkama indirimbo Fou De Toi yabaye isoko yayoYasogongeje abakunzi b'umuziki nyarwanda kuri Live ya Sesa indirimbo nshya yashyize hanzeRoss Kana ari mu bahanzi bamaze kugira izina rifatika akaba umwe mu bagize 1:55AM