Abaherwe 10 binjiye mu 2024 bayoboye abandi ku Isi

Mu ntangiriro z’umwaka wa 2024, urubuga rusanzwe rutangaza ibijyanye n’ubutunzi bw’abakomeye ku isi rwashyize ahagaragara abaherwe 10 batunze amafaranga menshi kuruta abandi.

Kugeza ku ya 1 Mutarama, abantu 10 bakize kurusha abandi ku isi bari batunze umutungo ufite agaciro ka Miliyari 1.47 z'amadolari - miliyari 30 z'amadolari aruta kure ay’ukwezi gushize mu 2023. 

Indi mpinduka yabaye ni uko uwashinze Facebook, Mark Zuckerberg yarenze Bill Gates akaba umuherwe wa gatanu ku isi.

Dore abaherwe 10 batangiye umwaka wa 2024 bayoboye abandi ku Isi:

1.     Elon Musk

Umuherwe Elon Musk ni umuyobozi mukuru wa sosiyete ikora imodoka z’amashanyarazi rwa Tesla, uruganda rwa SpaceX hamwe na sosiyete y’urubuga nkoranyambaga rwa X, yahoze yitwa Twitter.

Yaguze X, icyo gihe yari izwi ku izina rya Twitter, kuri miliyari 44 z'amadolari mu Kwakira 2022 ubu akaba afite hafi 74% by'iyi sosiyete, kuri ubu ifite agaciro katarenze icya kabiri cy'ayo yishyuye.

Nyuma yo kuva ku rutonde rwa Forbes, Musk yongeye kuba umukire ku isi ku ya 8 Kamena 2023 maze akomereza ku mwanya wa mbere kugeza 2023 irangiye. 

Umutungo wa Musk wazamutseho hafi miliyari 6 z'amadolari mu Kuboza, uzamuwe na 4% kiyongereye ku giciro cy’imigabane ya Tesla. Uyu mugabo w’imyaka 52 y’amavuko ufite ubwenegihugu bwa Leta Zunze Ubumwe z’Amerika, atangiye umwaka atunze Miliyari 251.3 z'amadolari.

2.     Bernard Arnault

Bernard Arnault, umuyobozi mukuru wa LVMH, yubatse sosiyete nini y’ibicuruzwa bihenze cyane ku isi birimo ibirango by’imideli n’ibirungo by’ubwiza bigera kuri 70. Mu bikunze kugaragara cyane harimo Louis Vuitton, Christian Dior, Moet & Chandon na Sephora.

Muri Mutarama 2021, LVMH yaguze imitako ya Tiffany & Co kuri miliyari 15.8 z'amadolari.

Se wa Arnault yinjije amamiliyoni mu ishoramari ry’ubwubatsi; kugirango atangire, mu gihe Arnault yakoresheje miliyoni 15 z’amadorali y’aya mahirwe kugira ngo agure Christian Dior.

Abana bose ba Arnault uko ari batanu bakora muri LVMH. Muri Mutarama 2023, Arnault yashyizeho umukobwa we Delphine kuyobora Dior, ikirango cya kabiri kinini muri icyo kigo.

Arnault niwe muntu wari ukize cyane ku isi mu ntangiriro za 2023, aza kumanuka ajya ku mwanya wa 2 ku ya 8 Kamena 2023. Guhera ku ya 1 Mutarama 2024 Arnault afite agaciro ka miliyari 9.4 z'amadolari arenga ku yo yari afite mu kwezi kwa nyuma kwa 2023, nk'uko Forbes ibigaragaza, nyuma yo kuzamuka kw'igiciro cy'imigabane ya LVMH.

Kugeza ubu, uyu musaza w’imyaka 74 atuye i Paris mu Bufaransa, akaba atunze arenga miliyari 200.7 z'amadolari.

3.     Jeff Bezos

Jeff Bezos yashinze igihangange mu bucuruzi bukorerwa ku ikoranabuhanga, Amazone mu 1994 maze ayobora nk'umuyobozi mukuru kugeza muri Nyakanga 2021. Umutungo we wazamutseho miliyari 5.8 z'amadolari mu Kuboza 2023 biturutse ku kuzamuka kw'imigabane ya Amazone.

Bezos yarenze Bill Gates ku mwanya wa mbere w’umuntu ukize kurusha abandi ku isi muri Nyakanga 2017. We na Gates bakomeza gusimburana ku mwanya wa mbere n'umwanya wa kabiri w’abakize cyane.

Kuri ubu, uyu mugabo w’imyaka 54 utuye i Washington muri Amerika, atunga umutungo ungana na miliyari 168.4 z'amadolari.

4.     Larry Ellison

Larry Ellison yashinze sosiyete ikora software ya Oracle mu 1977 ayiyobora nk'umuyobozi mukuru kugeza 2014, none ubu akora nk'umuyobozi ushinzwe ikoranabuhanga muri iyi sosiyete. Mu myaka yashize, Oracle yakoze urukurikirane rw’ibintu byinshi, harimo kugura Sun Microsystems muri 2010 kuri miliyari 7.4 n’ibindi.

Mu mwaka wa 2012, Ellison yaguze ikirwa cya Lanai cyo muri Hawayi kuri miliyoni 300 z'amadolari. Yimukiye muri California yerekeza i Lanai mu 2020 ariko agumana amazu ye yari aherereye muri California na Nevada. Ellison yashoye imari muri Tesla kandi akora mu buyobozi bw'iyi sosiyete y'imodoka kuva 2018 kugeza Kanama 2022.

Mu minsi umunani muri Kamena 2023, Ellison yarenze Jeff Bezos aza ku mwanya wa gatatu nyuma yo kuzamuka kw'igiciro cy'imigabane ya Oracle. Umugabane waje kugabanuka hanyuma Ellison agaruka ku mwanya wa kane. Umutungo we wagabanutseho miliyari 11.2 z'amadolari mu Kuboza 2023 kuko imigabane ya Oracle yagabanutseho 10%.

Uyu muherwe w’imyaka 79 y’amavuko utuye California muri Amerika, yatangiye 2024 atunze miliyari 135.3 z'amadolari.

5.     Mark Zuckerberg

Zuckerberg yahimbye Facebook ubu yitwa Meta Platforms, igihe yari umunyeshuri muri kaminuza ya Harvard mu 2004. Yaje kwaguka ihinduka imbuga nkoranyambaga nini ku isi, aho aho ikoreshwa n’abantu miliyari 3.88 buri kwezi. 

Iyi sosiyete kandi, niyo ifite kandi Instagram na WhatsApp, zombi zikomeye kandi zaguka buri munsi. Umuyobozi mukuru wa Meta, Zuckerberg, yashyize ahagaragara iyi sosiyete mu mwaka wa 2012 kandi aracyafite hafi 13%.

Zuckerberg yongeye kugaragara ku rutonde rw’abakire 10 ba mbere ku isi mu mpeshyi ya 2023 ku nshuro ya mbere kuva muri Mutarama 2022, biturutse ku izamuka ry’ibiciro by’imigabane ya Meta. Mu kwezi k'Ukuboza, umutungo we wazamutseho miliyari 9.4 z'amadolari, mu gihe imigabane ya Meta yazamutseho 9%.

Muri izi ntangiriro za 2024, uyu muherwe atunze arenga miliyari 125.3 z'amadolari.

6.     Bill Gates

Igihe yari ingimbi, Gates yakundaga porogaramu za mudasobwa, nyuma aza gukomeza gukora ibijyanye na byo. Forbes yashyize ahagaragara Gates bwa mbere nk'umuherwe mu 1987, aba umuntu wa mbere ukize ku isi kuva mu 1995 kugeza 2017 (usibye muri 2008 no kuva 2010 kugeza 2013). 

Ahanini bitewe na miliyari 59 z'amadorali yatanze muri Gates Foundation, harimo impano ya miliyari 20 z'amadolari muri Nyakanga 2022, yaje gusimburwa muri 2018 na Jeff Bezos.

Mu gihe umutungo wa Gatesi wiyongereyeho miliyari 2 z'amadolari mu Kuboza 2023, umwanya we mu bakire ku isi wagumye ku mwanya wa 6 guhera ku ya 1 Mutarama. Kuri ubu, uyu mugabo w’imyaka 68, atunze miliyari 119,6 z’amadorari.

7.     Warren Buffett

Uzwi nka "Oracle of Omaha," Warren Buffett ni umwe mu bashoramari bahiriwe by’iteka ryose.

Buffett yashyizeho icyitwa Giving Pledge hamwe na Bill Gates na Melinda French Gates mu mwaka wa 2010, asaba abaherwe kwiyemeza gutanga byibuze kimwe cya kabiri cy'umutungo wabo mu matsinda y'abagiraneza.

Buffett yavuze ko azatanga 99% by'umutungo we. Ibyo, bimugira umuherwe wa mbere utanga cyane ku isi. Hagati muri Kamena, Buffett yatanze miliyari 4,6 z'amadolari y'imigabane ye ya Berkshire Hathaway. 

Mu Ukuboza 2023, umutungo we wagabanutseho miliyoni 700 z'amadolari, mu gihe cy’igabanuka rito ry'igiciro cy'imigabane ya Berkshire Hathaway. Mu 2024, uyu mugabo w’imyaka 93 atunze asaga miliyari 118,6 z'amadolari.

8.     Larry Page

Page niwe watangije Google hamwe na mugenzi biganye PhD muri Stanford, Sergey Brin mu 1998, akora nk'umuyobozi mukuru kugeza mu 2001 ndetse kuva mu 2011 kugeza 2015, nyuma ayobora ibindi ariko akomeza kuba umunyamigabane. Page kuri uyu munsi afite imyaka 50 y’amavuko, akaba atunze miliyari 117.2 z'amadolari.

9.     Sergey Brin

Sergey Brin yabaye Perezida wa Alphabey yabyaye Google muri Nzeri 2019, ari nako afitemo imigabane myinshi. Uyu mugabo w’imyaka 50 ari mu bantu 10 ba mbere batunze agatubutse ku isi, kuko afite miliyari 112.4 z'amadolari.

10.   Steve Ballmer

Ballmer wiganye na Bill Gates muri kaminuza ya Harvard, yinjiye muri Microsoft nk'umukozi wa 30 mu 1980 nyuma yo kuva muri gahunda ya MBA muri kaminuza ya Stanford. Yayoboye Microsoft nk'umuyobozi mukuru kuva mu 2000 kugeza mu 2014.

Umutungo wa Ballmer wagabanutseho miliyoni 600 z'amadolari mu kwezi kwa nyuma k’umwaka ushize, mu gihe cy’igabanuka ritageze kuri 1% ku giciro cy’imigabane ya Microsoft. Kuri ubu uyu mugabo w’imyaka 67 y’amavuko atunze miliyari 112.2 z'amadolari.