Lilian Mbabazi agiye gushyira hanze amabanga y’urukundo rwe na Mowzey Radio

Uyu muhanzikazi umaze imyaka itari micye mu muziki, ikiganiro cye kizajya hanze kuwa 07 Mutarama 2024, akaba ari agace kitezweho kugaruka ku buryo bwimbitse ku buzima bw’uyu muhanzikazi.

Yitezweho kandi kuzagaruka ku buzima bw’abana be kimwe n’umugabo we witabye Imana uri mu bahanzi bakomeye Afurika yigeze igira, Mozey Radio, akanakomoza ku itsinda rya Radio na Weasel.

Mu gace gato kamamaza iki gice, uyu muhanzikazi yumvikanye agira ati: ”Moses nanjye twari dufitanye umubano wihariye. Nakundaga uriya mugabo n’umutima wanjye wose twanabyaranye abana.” Aya magambo yonyine yazamuye amarangamutima ya benshi.

Ni inkuru itari kure cyane y’ibyo Lilian Mbabazi aheruka gutangariza inyaRwanda mu kiganiro gito ati: ”Hari byinshi nibuka kuri Mowzey ariko icyo dukumbura ni ukuba yaba ahari akabona abana bakura kimwe n’umuziki yagizemo uruhare rukomeye kuba adahari ngo abone urwego ugezeho.”

Icyo gihe yanakomoje ku kuba nk’umuhanzikazi wabyaranye n’umuhanzi, niba abona hari umwana wabo ugaragaza ibimenyetso byo kuzaba umuhanzi.

Lilian Mbabazi yabwiye inyaRwanda ati: ”Mvugishije ukuri, sinahita mbimenya. Gusa nyine bakunda umuziki nk’abandi bantu bakunda kubyina dufite gutegereza tukareba, gusa niteguye kubafasha mu mahitamo y’ubuzima yose bagira.”

Hari agace Lilian Mbabazi yumvikanamo asobanura ko bimutwara umwanya iyo yitegura gutaramira abana kugira ngo abahe ibirenze ibyo babiteguye.

Avuga ko yiteguye gukora iyo bwabaga agataramira abazitabira Tusker Malt Conversession ati: ”Tumaze iminsi dukora cyane tubategurira igitaramo cyiza hamwe n’itsinda ry’abacuranzi n’abaririmbyi.”

Ambasaderi wa Tusker Malt, Elizabeth Mutamuliza yavuze ko intego yabo ari ugufasha abahanzi kugira ahantu heza bashobora kunyuza inkuru y’ubuzima bwabo mu buryo bwiza bagaruka ku byo abantu batigeze bamenya kandi bataramira abantu.

Ikiganiro cya Lilian Mbabazi kizagera ku rubuga rwa YouTube ku rukuta rwa Swangz Avenue ku isaha ya saa kumi n’ebyiri z’umugoroba za tariki ya 07 Mutarama 2024.

Abandi bahanzi bamaze gutanga ikiganiro muri Conversession barimo Julianna Kanyomozi, Chameleone, GNL Zamba, Kinga Saha na Winnie Nwagi.Lilian Mbabazi yiteguye gutaramira abakunzi ba Conversession ndetse n'abazayikurikira mu buryo bw'iyakure yizera ko bazaryoherwa naboMuri iki gice Lilian Mbabazi ni we ugezweho kandi yitezweho kuva imuzi ibirebana n'urukundo rwe n'umunyabigwi mu muziki Mowzey Radio witabye Imana wari umugabo weAheruka gutangaza ko ikintu yumva buri gihe aba yifuza ari ukuba Radio yakabaye ahari akareba uko uruganda rw'umuziki rwateye imbereMowzey Radio wari waratangiye umuziki by'umwuga muri 2005 yatabarutse mu 2018. Yasize abana babiri yabyaranye na Lilian Mbabazi wari umugore we gusa nyuma y'urupfu rw'uyu muhanzi, Miss Uganda 2008 yatangaje na we babyaranye nubwo yarinze yitaba Imana atabizi ngo kuko yabuze uko abimubwira kubera akiriho yahoraga afite ibintu byinshi.

KANDA HANO UREBE IBINDI BICE BYA TUSKER MALT CONVERSESSION