Ahabanza Imikino

RBA ntabwo izongera kwerekana shampiyona y'u Rwanda mu gihe itubahirije ibisabwa

Yanditswe na: Aloys Niyonyungu
Taliki:21/09/2023 18:32 0

Rwanda Premier League igenga shampiyona y'ikiciro cya mbere mu Rwanda "Primus National League" yamenyesheje ikigo cy'igihugu cy'itangazamakuru (RBA) ko kwerekana iyi shampiyona bisaba miliyoni 400 z'amafaranga y'u Rwanda ihita inayihagarika

Kuwa Kabiri w'iki cyumweru ni bwo byari byavuzwe ko RBA igiye kugirana amasezerano na Rwanda Premier League yo kujya yerekana Primus National league.

Byavugwaga ko ikigo cy'igihugu cy'itangazamakuru, RBA, kigiye kwishyura agera kuri miliyoni 380 Frw ndetse na Hadji Yousuf Mudaheranwa uyobora Rwanda Premier League yari yabyemeje.

Nyuma y'iminsi 2 gusa kuri uyu wa Kane taliki 21 Nzeri 2023 Abayobozi ba Rwanda Premier League bandikiye ibaruwa RBA bayimenyesha ko ubusabe bwabo bwo guhabwa uburenganzira bwo kwerekana Primus National league bitakunda bitewe n'amafaranga batanze ndetse bayimenyesha ko amafaranga kuri ubu batajya munsi ari Miliyoni 400 z'amanyarwanda.

Ku musozo w'iyi baruwa Rwanda Premier League inamenyesha RBA ko itemerewe kwerekana imikino yo ku munsi wa Gatanu iteganyijwe mu mpera z'iki cyumweru.

RBA niyo yarisanzwe yerekana imikino ya shampiyona y'icyiciro cya mbere mu Rwanda ndetse yewe yari yaragiranye amasezerano n'ishyirahamwe ry'umupira w'amaguru mu Rwanda, FERWAFA, gusa yarangiranye n'umwaka ushize w'imikino wa 2022-2023.