Yariyahuye! Impamvu umukinnyi wa filime Billy Miller yahisemo urupfu

Byari byatangajwe ko umukinnyi wa filime w’umunyamerika Billy Miller wamenyekanye muri filime  y’uruhererekane “The Young and The Restless” na “ General Hospital” yitabye Imana ku myaka 34,ariko ntihatangazwa icyahitanye ubuzima bwe.

Nyina wa nyakwigendera ,Miller yatangaje ko umwana we yakundaga, yiyahuye nyuma yo kunanirwa kwakira indwara yari amaranye igihe ya “Bipolar Dipression” ituma umuntu acanganyikirwa ndetse agahorana agahinda gakabije.

Ati “Umwana wanjye yarwanye intambara ikomeye, ubuzima buramunaniza.Nyuma yo kunanirwa kwiyakira yashyize iherezo ku buzima bwe binyuze mu kwiyahura”.

Uyu mubyeyi washenguwe n’urupfu rw’umwana we yakomeje ati“ Yakundaga umuryango we, inshuti ze n'abakunzi be  ariko amaherezo ye abaye kwiyica ku bwo kwiheba no gutakaza icyizere cyo gukira”.

Billy Miller wakunzwe n’abatari bake,yakinnye filime nyinshi zirimo iyitwa “Suits,Markly,American Sniper yakinanye na Bradley Cooper n’izindi nyinshi.

Umubyeyi we yatangaje ko ababajwe n'urupfu rw'umwana we wazonzwe n'iyi ndwara igihe kirekire

Source: Page six