Volleball: U Rwanda rwegukanye umwanya wa Gatandatu mu gikombe cy’Afurika

Uyu ni umukino wabaye ku gicamunsi cyo kuri uyu wa Kabiri taliki 12 Nzeri 2023.  U Rwanda kugira ngo rukine umukino w’uyu munsi byasabye ko ejo rutsinda Tchad naho Tunisia yo byasabye ko itsinda Maroc.

Ikipe y’igihugu y’u Rwanda yatangiye umukino w’uyu munsi  ubona ihangana gusa bigeze mu manota 17 ya Tunisia u Rwanda rutangira  kurushwa cyane. Iseti ya mbere yarangiye Tunisia iyoboye n’amanota 25-17.

Mu iseti ya kabiri ,ikipe y’igihugu y’u Rwanda yaje nta gucika intege noneho ikinyuranyo kikaba inota rimwe ndetse harinaho byageze banganya amanota 7-7.

Nyuma yo kunganya amanota 7-7 ku ruhande rw’u Rwanda ibintu byatangiye ku genda nabi maze Tunisia itangira gushyiramo ikinyuranyo cy’amanota menshi. 

Tunisia yegukanye iyi seti ya kabiri  ifite amanota 25-18.Mu iseti ya Gatatu naho u Rwanda rwaje rukomeza kwihagararaho  ariko birangira n’ubundi barutsinze amanota 25-21.

Umukino wa nyuma w’iki gikombe cy’Afurika uteganyijwe ku munsi w'ejo aho uzahuza Misiri na Algeria yasezereye u Rwanda muri ¼.

U Rwanda rwatsinzwe amaseti 3-0 rwegukana umwanya wa 6

Ikipe ya Tunisia ifite abakinnyi bakomeye cyane yatsinze u Rwanda amaseti 3-0