Mu ibanga rikomeye John Drille ukubutse i Kigali yakoze ubukwe-AMAFOTO

Tariki ya 4 Nyakanga 2023, ni bwo Don Jazzy uyobora inzu ya Mavin Records isanzwe ireberera inyungu z’uyu muhanzi yatangaje aya makuru yifashishije amafoto ari kumwe na Johnny Drille n’umukunzi we bigaragara ko yatashye ibirori byabo by’ubukwe bwabaye mu ibanga rikomeye.

Aho yagize ati: “Indirimbo zose zitangaje z’urukundo Johnny Drille yanditse mu buzima bwe, byari bikwiye ko adusangiza iy’ubuzima bwe n’umwe mu bagore batangaje nigeze mpura nabo. Ndabishimiye cyane mwembi. Imana ikomeze guha umugisha ubumwe bwawe.”

Don Jazzy niwe wabaye uwa mbere mu gutangaza amakuru y'ubukwe bwa Johnny Drille

Johnny Drille na we yabaye nk’uwemeza aya makuru ubwo yashyiraga ku mbuga nkoranyambaga ze, amashusho y’indirimbo aheruka gukora, yise ‘the best part’ ikubiyemo ubuzima bw’urukundo yanyuranyemo n’umukunzi we.

Uyu muhanzi uherutse no gutaramira abanya-Kigali mu gitaramo cya Friends of Amstel Fest, cyabaye tariki 24 Kamena 2023 muri Parking ya BK Arena. Ati “Urampagije warakoze kunkunda.”

Johnny Drille yashimiye umugore we Rima Tahini wemeye kumukunda

Johnny Drille ukunzwe muri iki gihe mu ndirimbo zirimo ‘Believe me’ na ‘How are you my Friend’, yashyingiranywe n’umukunzi we Rima Tahini, umuyobozi wa A&R muri Mavin global, ari nayo sosiyete isanzwe ifasha uyu muhanzi.

Byari ibyishimo kuri Don Jazzy watashye ubukwe bwa Johhny Drille na Rima

Mu mezi ashize, Tahini yagiye kuri Instagram ashyiraho amashusho y’ubukwe bwe, agaragaza ko yizihiza isabukuru y’umwaka umwe akoze ubukwe, gusa ariko ntiyagaragaje uwo bashakanye.

Ibinyamakuru byandika inkuru z’imyidagaduro muri Nigeria, bitangaza ko bitazwi neza igihe Johnny Drille na Rima Tahini bakoreye ubukwe.

Rima Tahini nawe yerekanye uko yari yambaye arushinga na Johnny Drille

Johnny Drille yakunzwe cyane mu ndirimbo nka ‘Romeo & Juliet’, ‘My beautiful love’, ‘Love don’t lie’ n’izindi. Mu buhanzi bwe akunda kwibanda ku ndirimbo zivuga ku rukundo.

Johnny Drille na Rima Tahini barushinze mu ibanga