Arsenal yemeye gutanga ibyo Chelsea yifuzaga kuri Rutahizamu ukomoka mu Budage, Kai Havertez. Uyu mukinnyi Chelsea yamwifuzagamo Miliyoni 65€.
Chelsea yatanze uburenganzira kuri Kai Havertez bwo kuganira na Arsenal nk'umukinnyi ku giti cye ndetse n'ushinzwe inyungu ze, ndetse akanatangira gukora ibizamini by'ubuzima muri Arsenal.
Uyu mukinnyi, mu mikino 47 yakiniye Chelsea mu mwaka w'imikino ushyize, yayitsindiye ibitego icyenda gusa.
Uyu Rutahizamu w'imyaka 24 yaje muri Chelsea mu mwaka wa 2020 avuye muri Bayer Liverkusen aguzwe Miliyoni 71€.
Uyu mukinnyi urwibutso asigiye Chelsea ni uko ariwe watsinze igitego cyahaye Chelsea UEFA Champions League ubwo bakinaga na Manchester City ku mukino wa nyuma muri 2021.
Kai Havertez agiye gukinira Arsenal itozwa na Mikel Arteta, ikipe izitabira amarushanwa ya UEFA Champions League.
Iyi kipe yamaze kwizera Kai Havertez, iri gushakisha uruhindu Declan Rice ukina mu kibuga hagati muri West Ham United. West Ham United yanze Bid ya kabiri ya Arsenal yari igizwe na Miliyoni 90€.
Chelsea ikomeje gutakaza abakinnyi bakomeye. Manchester City irashaka Matteo Kovacic ukina mu kibuga hagati muri iyi kipe kuri Miliyoni 30€.
Abandi bakinnyi bayivuyemo ni Ngolo Kante wagiye muri Arabia Saudite, Kai Havertez muri Arsenal, Eduard Mendy ari mu nzira yo kugenda, ndetse n'abandi bifuzwa n'amakipe atandukanye.
Eng
RSS 
TANGA IGITECYEREZO