Karim Benzema wari amaze imyaka irenga 14 mu ikipe ya Real Madrid na Ngolo Kante bakinana mu ikipe y'igihugu y'u Bufaransa, bagiye gukinira ikipe ya Al-Itthad yo muri Saudi Arabia. Aba bagabo ku mwaka bazajya bahembwa Miliyoni 300$ bose hamwe.
Ngolo Kante watwaye igikombe cy'isi muri 2018 ndetse akanatwara UEFA Champions League ari kumwe na Chelsea muri 2021, imyiteguro yo kwimukira muri Saudi Arabia ayigeze kure.
Nk'uko tubicyesha umunyamakuru w'Umutaliyani uzwiho kumenya ibivugwa ku isoko ry'igura n'igurisha Fabrizio Romano, yavuze ko umupira wo muri Saudi Arabia ndetse n'abakinzi bawo bari gutegura ibirori byo kwakira undi munyabigwi ukina mu kibuga hagati.
Mu minsi yashyize abakunzi b'umupira w'amaguru muri Saudi Arabia bakiriye bidasanzwe rutahizamu Karim Benzema. Benzema nawe ibi birori byo kwakira Ngolo Kante bizaba bimushimishije kuko azaba yakiriye umukinnyi bakinana mu ikipe y'igihugu y'u Bufaransa.
Ngolo Kante na Karim Benzema, bazajya bakinana mu ikipe ya Al-Itthad. Baje basanga umunya Portugal Cristiano Ronaldo ukina mu ikipe ya Al-Nassir.
Rutahizamu wa Real Madrid wayimazemo imyaka 15, Karim Benzema yababajwe n'uko yavuye muri iyi kipe. Gusa yafashe umwanzuro wo kujya muri Al-Itthad aho azaza ahembwa Miliyoni 200$. Uyu mushahara awunganya na Cristiano Ronaldo wa Al-Nassir.
Undi mukinnyi uzajya ahembwa Menshi ni Ngolo Kante uri kwitegura kwimukira muri Saudi Arabia kubera ko ari ho akazi ke kazakomereza.
Ku wa Kabiri ni bwo umunyamakuru Fabrizio Romano yanditse ko Ngolo Kante yasinye mu ikipe ya Al-Itthad akaba azakinana na Karim Benzema basanzwe bakinana mu ikipe y'igihugu y'u Bufaransa.
Ngolo Kante yasinye amasezerano y'imyaka ibiri muri Al-Itthad. Uyu mukinnyi azajya ahembwa Miliyoni 100$. Kante yavuye mu ikipe ya Chelsea ayihesheje UEFA Champions League na English Premier League.
Uyu mukinnyi kandi nawe ari mu bakinnyi bari bafite amahirwe yo kwegukana umupira wa zahabu bita Balloon D'or n'ubwo bitamuhiriye ngo ayitware.
Ngolo Kante na Karim Benzema bagiye guhuriza imbaraga zabo mu ikipe ya Al-Itthad
Ngolo Kante mu myambaro y'ikipe ya Al-Itthad
Ngolo Kante mu kirango cya Al-Itthad
Karim Benzema ari kumwe n'abayobozi ba Al-Itthad
Iyo Chelsea yabaga yakinnye na Real Madrid Ngolo Kante na Karim Benzema babaga bahanganye
Ngolo Kante na Karim Benzema bagiye gukinira ikipe ya Al-Itthad basanzwe bakinana mu ikipe y'igihugu y'u Bufaransa
Ngolo Kante na Karim Benzema ni abakinnyi bakomeye bagiye gukinira ikipe ya Al-Itthad
Eng
RSS 
TANGA IGITECYEREZO