Young Africans yo muri Tanzania iri kurira ayo kwarika

Mu ijoro ryo kuri uyu wa Gatatu, nibwo ikipe ya Young Africans yemeje ko yamaze gutandukana n'uwari umutoza wayo, Nasreddine Nabi ukomoka muri Tunisia, nyuma yo kumuhendahenda ngo yongere amasezerano akanga.

Uyu mutoza, yageze mu ikipe ya Young Africans muri Mata 2021, akaba yari amaze imyaka ibiri ari guhabya amakipe yo muri Tanzania, ndetse no muri Afurika. 

Uyu mutoza mu myaka ibiri yari amaze muri Young Africans yatwaranye nayo ibikombe 6 birimo 2 byashampiyona, ndetse uyu mwaka akaba yaregukanye ibikombe 3 anagera ku mukino wa nyuma wa CAF Confederation Cup.

Nyuma y'uyu musaruro, ikipe ya Young Africans yifuzaga ko uyu mutoza yakongera amasezerano kuko bari bamaze igihe bacaracara mu batoza kandi byanga bakaba batifuzaga ko hari izindi mpinduka zabaho.

Amakipe arimo  FAR Rabat yo muri Maroc, ES Tunis yo muri Tunisia, CR Belouizdad yo muri Algeria na Kaizer Chiefs yo muri African Y'Epfo arifuza uyu mutoza, gusa ku bwe akifuza kwerekeza muri Kaizer Chiefs yo muri Afurika y'Epfo.

Uyu mutoza asize ashyize Young Africans ku murongo n'ubwo yifuzaga ku mugumana 

Kubera uyu mutoza, Young Africans yari yongeye kugira igitinyiro ku migabane w'Afurika