Harmonize yateguje indirimbo yakoranye na Bruce Melodie yitwa ‘Zanzibar’ yatewe inkunga na Perezida Samia

Harmonize ukomeje gutigisa imyidagaduro nyarwanda, yateguje indirimbo nshya yitwa ‘Zanzibar’ yakoranye na Munyakazi [Bruce Melodie].

Mu butumwa Harmonize yashyize hanze yagize ati: ”Zanzibar izajya hanze kuwa Gatanu tariki 12.” 

Indirimbo ‘Zanzibar’ uyu mugabo yakoranye na Bruce Melodie, yatewe inkunga na Perezida wa Tanzania, Madamu Samia Suluhu Hassan.

Zanzibar ni kimwe mu birwa byiza bisurwa na ba mukerarugendo batari bacye, giherereye mu gihugu cya Tanzania, gituwe n’abaturage bakabakaba miliyoni 1. Ni naho Perezida Samia Suluhu yavukiye anahatangirira urugendo rwe rwa Politike.

Perezida Suhulu uri muri bacye bavuga rikijyana muri iki gihe, yatangiye ari umwe mu bagize Inteko Ishingamategeko y’iki kirwa kuko gisa nk'aho ari Leta mu yindi kubera amategeko n’imiyoborere yacyo, kikaba kimwe mu Ntara ziyubashye mu gihugu cya Tanzania.

Iyi ndirimbo igiye kujya hanze mu gihe benshi bari bagitegerezanije amatsiko iyitwa ‘Kashe’ ya Element yasubiranyemo na Harmonize cyane ko ifite aho ihuriye n'inkundura y’urukundo rwa Yolo The Queen na Harmonize rukomeje gutigisa imyidagaduro.

Ni ibintu bamwe babona nk'iturufu y’ubucuruzi bw’umuziki wa Harmonize uvuga ko yihebeye Yolo umunyarwandakazi w’ikimero gitangaje kugeza ubu utarerura ngo avuge ko akunda uyu muhanzi. 

Icyakora Yolo yavuze ko ari gufasha uyu mugabo gushakisha inyubako y'akataraboneka mu Rwanda ashaka kuza guturamo ngo amube hafi.Perezida Samia avuka muri Zanzibar ari naho yatangiriye urugendo rwe rwa politike mu buto bweBruce Melodie aheruka muri Tanzania, indirimbo igiye kujya hanze ikaba ari imwe mu mbuto z'urwo rugendoUko iminsi yicuma umubano wa Bruce Melodie na Harmonize ugenda urushaho gukomeraMu ntangiriro za 2023 Harmonize yasuye u Rwanda ndetse asura ibice bitandukanye by'umujyi wa KigaliIndirimbo nshya ya Harmonize na Bruce Melodie izajya hanze kuwa 12 Gicurasi 2023