Donald Trump yaba yarafashe ku ngufu abarenga 25 ?

Nk'uko tubikesha urubuga rwa Wikipedia, Donald Trump yashinjwe gufata ku ngufu, ihohoterwa rishingiye ku gitsina, no gutoteza abagore, harimo gusomana na bo kugahato, byibuze abagore 25 kuva mu 1970. 

Ibirego byatumye ahamagarwa mu manza eshatu ziburanishwa harimo urw'uwahoze ari umugore we 'Ivana' watanze ikirego cyo kuba yarafatwaga ku ngufu mu gihe yashakaga gatanya mu 1989 na Trump, ariko nyuma aza kuvanaho icyo kirego.

Undi mucuruzi witwa 'Jill Harth' yareze Trump mu 1997, aho yamureze ihohoterwa rishingiye ku gitsina ariko nyuma bitungurana ahagaritse ikirego cye. Mu 2017, Trump yihakanye uwahoze ari Apprentice Summer Zervos watanze ikirego amushinja na bwo ihohotera rishingiye ku gitsina, Trump avuga ko bamubeshyera.

Nyuma y'aho rero, nk'uko tubikesha BBC, ni bwo Stephanie Clifford umusitari (star) muri filime uzwi nka Stormy Daniels mu kiganiro n'itangazamakuru ubwo Donald trump yiteguraga kwiyamamariza kuba Perezida wa 45 wa Leta Zunze Ubumwe za America, yavuze ko yahuye na Trump mu marushanwa ya golf yo gufasha abatishoboye muri Nyakanga 2006.

Aba bombi baje kuryamana rimwe amuhatirije mu cyumba cye cya hoteri ku kiyaga cya Tahoe, hagati ya Californiya na Nevada. Icyo gihe umunyamategeko wa Bwana Trump witwa 'Michael Cohen' yabihakanye yivuye inyuma.

Umusitari uzwi muri cinema 'Stormy Daniels' yareze Trump

Madamu Daniels avuga ko we na Trump baryamanye, kandi ko yemeye $ 130.000 arenga miliyoni 130 z'amanyarwanda yahawe n'uwahoze ari umunyamategeko wa Donald Trump yahawe mbere y’amatora yo mu 2016 kugira ngo aceceke.

Nyuma y'aho uyu munyamategeko, 'Michael Cohen', yaje gufungwa ashinjwa ibyaha byinshi bitandukanye harimo nko kunyereza imisoro n'ibindi byinshi. Ariko Daniels akavuga ko yemeye aya mafaranga ku bw'umutekano w'umuryango we, dore ko ngo hari n'umugabo wigeze kumutera akamubwira ati: "Reka Trump wenyine".

Uwahoze ari umunyamategeko wa Trump'Michael Cohen'

Uwahoze ari Perezida wa Amerika, Donald Trump, yahakanye ko nta ruhare afite mu kuryamana kugahato ashinjwa na Madamu Daniels kuva ibirego bigaragaye mu 2018. 

Ariko kubera ko ubwishyu bwakozwe mbere y'amatora, Donald Trump arashinjwa gukoresha nabi umutungo yari yahawe mu kwiyamamaza. Muri Kanama 2018, Bwana Cohen yemeye icyaha cyo kunyereza imisoro no kurenga ku mategeko y’imari mu kwiyamamaza,

Avuga ko Trump ntaho ahuriye no kwishyura uwo mugore. Nyuma Bwana Cohen yatanze ubuhamya arahira ko Trump yamutegetse kwishyura amadolari 130,000 mbere y’amatora yo mu 2016.

Donald trump na Madam Daniels bivugwa ko baryamanye

Umwanditsi: Nigabe Emmanuel