RFL
Kigali

Ikipe y'igihugu ya Basketball yerekeje mu Misiri

Yanditswe na: ISHIMWE Olivier Ba
Taliki:2/12/2022 11:41
0


Ikipe y'igihugu ya basketball y'abagabo bakina ari batatu kuri batatu (3x3), yerekeje i Cairo mu gihugu cya Misiri aho yitabiriye imikino y'Afurika yiswe "FIBA 3x3 Africa Cup tournament", izaba kuva tariki 3-4 Ukuboza 2022.



Iri rushanwa ry'iminsi ibiri rizabera ahitwa Al Qahirah, ryitabiriwe n'amakipe 8 agabanyije mu matsinda abiri. Ikipe y'u Rwanda iri mu itsinda A hamwe na Madagascar, Misiri na Botswana, mu gihe itsinda B rigizwe na Kenya, Tunisia, Repubulika Iharanira Demokarasi ya Congo na Maroc.

Ikipe y'u Rwanda ikaba izatangira ikina imikino ibiri ku munsi wa mbere w'iri rushanwa tariki 3 Ukuboza 2022, ikina na Botswana ndetse na Misiri ni mu gihe izasoza imikino y'iri tsinda ihura na Madagascar tariki 4 Ukuboza 2022.

ABAGIZE IKIPE Y'U RWANDA

Turatsinze Olivier ukinira ikipe ya IPRC-Kigali BBC, Ngabonziza Patrick ukinira ikipe ya  APR BBC Hagumintwari  Steven ukinira Patriots BBC, na Nshobozwabyosenumukiza Jean Jacques Wilson uherutse gusinyira ikipe ya APR BBC. 

Aba bakinnyi bahagurutse kuri uyu wa Kane bakazasoza imikino yabo ku Cyumweru 






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND