BePawa
ATHF
Kigali

CANAL+ ikomeje kudabagiza abanyarwanda muri poromosiyo yo kwizihiza imyaka 30

Yanditswe na: ISHIMWE Olivier Ba
Taliki:28/06/2022 11:47
0


Sosiyete icuruza amashusho ya CANAL+ yahembye abandi banyamahirwe bagera kuri 30 batsindiye ifatabuguzi ryo kureba amashene yose ku buntu mu gihe kigera ku mezi 12 abandi batsindira amezi 30.



Mu cyiciro cya kabiri cy’abanyamahirwe, CANAL+ yahembye abantu bagera kuri 30 harimo abahawe ifatabuguzi ry’ubuntu ringana n’amezi 12 abandi bahabwa amezi 30. Iyi gahunda yo gutombora iri kunyuzwa muri promosiyo yo kwizihiza imyaka 30 CANAL+ imaze igeze muri Afurika.

Nyuma yo guhemba aba banyamahirwe, CANAL+ kandi yaboneyeho kwibutsa abanyarwanda kurushaho gukoresha impano yabageneye mu gihe iki kigo kizihiza isabukuru y’imyaka 30 gikorera ku mugabane w’Afrika.

Ni ibihembo bitangwa binyuze kuri Televiziyo y’igihugu, aho abakiriya ba CANAL+ banyuranye baguze ifatabuguzi mu kwezi kwa 6 batoranywamo 30 bagize amahirwe yo gutsindira iri fatabuguzi ry’ubuntu. 

Abanyamahirwe batsinze muri iyi tombora batangarizwa kuri televiziyo y’igihugu

Jean Bosco Munyaneza watsindiye umwaka wo kureba amashene yose ku buntu yashimye CANAL+ kuba yarahisemo kugenera impano abakiriya bayo, ndetse ashimangira ko bizamugabanyiriza umutwaro wo kugura abonema buri kwezi. 

Nsabimana Sugira watsindiye amezi 30 nawe avuga ko ari iby’agaciro gakomeye kuba umwe mu banyamahirwe batsindiye abonema y’ubuntu, maze aboneraho no gukangurira abanyarwanda kugura ifatabuguzi kugira ngo aya mahirwe abagereho.


Jean Bosco Munyaneza watsindiye abonema y’amezi 12 yashimye cyane CANAL+

Iyi poromosiyo ya CANAL+ izarangira tariki 30 Kamena 2022. Iyo umukiriya aguze ifatabuguzi nkiryo yaherukaga kugura ahita ahabwa iminsi 30 y’ubuntu yo kureba amashene aba ku ifatabuguzi ryisumbuye kuryo yaguze. Kugura ifatabuguzi kandi binahesha amahirwe umukiriya wa CANAL+ kwinjira muri iyi Tombora yo gutsindira ifatabuguzi ry’UBUNTU ry’amezi 12 cyangwa amezi 30.

Uretse poromosiyo y’ifatabuguzi, umunyarwanda wifuza kuba umukiriya wa CANAL+ ari kugura dekoderi ku bihumbi Frw 5,000  ndetse akanakorerwa Installation ku Frw  5,000 gusa.

Izi poromosiyo zose zizarangira tariki 30 Kamena 2022.






TANGA IGITECYEREZO

Izina ryawe
Email yawe
Andika igitecyerezo


Inyarwanda BACKGROUND