BePawa
ATHF
Kigali

Prince Charles n’umugore we basuye Urwibutso rwa Jenoside rwa Kigali-AMAFOTO

Yanditswe na: Janvier Iyamuremye
Taliki:22/06/2022 13:58
1


Igikomangoma cya Wales mu Bwami bw’u Bwongereza, Charles Prince Charles n’Umugore we, Camilla Parker Bowles, basuye Urwibutso rwa Jenoside rwa Kigali bunamira inzirakarengane zirushyinguyemo.



Mu gitondo cyo kuri uyu wa Gatatu tariki 22 Kamena 2022, ni bwo Prince Charles aherekejwe n’umugore we, Minisitiri w’Ubumwe bw’Abanyarwanda n’Inshingano Mboneragihugu, Dr Bizimana Jean Damascéne, n’abandi bayobozi, yasuye uru rwibutso ruherereye ku Gisozi muri Kigali.

Prince Charles n’umugore we basobanuriwe amateka asharira u Rwanda rwanyuzemo, basura ibice bitandukanye bigize uru rwibutso bigaragaza uko Jenoside yakorewe Abatutsi yateguwe kugeza ishyizwe mu bikorwa, uko yahagaritswe n’Ingabo zari iza RPA, urugendo rwo kongera kubanisha Abanyarwanda n’ibindi.

Nyuma, Prince Charles n’umugore we bashyize indabo ku mva mu rwego rwo guha icyubahiro inzirakarengane zishyunguye muri uru rwibutso.

Prince Charles yageze mu Rwanda mu ijoro ry’uyu wa Kabiri tariki 21 Kamena 2022, aho yitabiriye Inama y’Abakuru b’Ibihugu na za Guverinoma zigize Commonwealth, izwi nka CHOGM. 

Prince Charles n’umugore we basuye Urwibutso rwa Jenoside rwa Kigali


Prince Charles n’umugore we basobanuriwe byimbitse amateka yagejeje u Rwanda kuri Jenoside yakorewe Abatutsi

Prince Charles yageze muri kimwe mu bice kigaragaza imwe mu myambaro y'inzirakarengane zishwe mu gihe cya Jenoside yakorewe Abatutsi

Prince Charles yeretswe amwe mu mazina y'abana bishwe mu gihe cya Jenoside yakorewe Abatutsi 

Prince Charles yarebye amwe mu mafoto agaragaza bamwe mu Batutsi bishwe muri Jenoside, bazizwa uko bavutse


Prince Charles n’umugore we bafashe umwanya wo kunamira inzirakarengane zishyinguwe muri uru rwibutso, bashyira n’indabo ku mva mu kubaha icyubahiro






TANGA IGITECYEREZO

Izina ryawe
Email yawe
Andika igitecyerezo

IBITECYEREZO

  • byiringiro bruno bolingo2 weeks ago
    komeza iyo mihigo mwiza rwanda yacu,abawe turagukunda cyane



Inyarwanda BACKGROUND