Imyenda buri mugabo cyangwa umusore akwiye gutunga yamufasha mu buzima bwa buri munsi-AMAFOTO

Usanga abagabo badakunze kwita ku bintu byo kwambara, ariko buriya uko wambaye nibyo byerekana uwo uri we. Twabakoreye urutonde rw’imyenda watunga ubuzima bwawe bw’imyambarire bukagenda neza.

1.      Umupira wo mu ibara rijya gusa nk’imvi (grey)

Umupira wakwambara mu buzima bwa buri munsi cyane cyane waruhutse utari kukazi, kandi ukaba usa neza ugaragara byiyubashye

2.       Umupira w’umweru n’uw’umukara

Umupira w’umweru n’uw’umukara, uyu wambarwa n’abantu bose mu buzima waba umugabo cyangwa umugore, ukeneye gutunga umupira w’umweru n’uwumukara niba ushaka kujya wambara neza kandi udatanze akayabo k’amafaranga.

3.      Ikoti ry’umukara 

Buri mugabo akwiye gutunga ikoti y’umukara kuko wayambara bitandukanye. Washyiramo ishati na karuvate, ubundi ukajya mu bukwe cyangwa se ugashyiramo agapira ‘t-shirt’ ukajya ku kazi, waryambara bitandukanye kandi ugasa neza.

4.       Ipantalo ndende irekuye 

Iyi pantalo iba irekuye kandi itanze amahoro hari igihe mu buzima urambirwa kwambara amapantaro agufashe, kandi ubu bwoko bw’aya ma pantaro arekuye agezweho kandi agaragara nk’atazavaho vuba hano.

5.      Ishati y’umweru

Ushaka kwambara ugasa neza ukeneye ishati y’umweru, kuko uzayambara ugaragare neza kandi uzakubona azakubaha. Buriya iyo utunze imyenda y’umweru, akenshi ikwigisha kuba umunyesuku.

6.       Umupira w’umukara ufite ijosi rirerire ‘rollneck’

Uyu mupira uba ufite ijosi rirerire imwe dukunze kwita runiga, ugaragara neza kandi bikubahishije. Ujyana n’ibintu byinshi; wawambarana n’ikote cyangwa ‘suit’ mu ndimi z’amahanga, wawambaza n’indi pantaro isanzwe.

src: gq.magazine.co.uk