Britney Spears n'umukunzi we baryohewe n'ikiruhuko bafatiye ku mazi -AMAFOTO

Britney Spears umuhanzikazi w'icyamamare ku rwego mpuzamahanga wo muri Leta Zunze Ubumwe za Amerika umaze imyaka irenga 30 mu muziki akomeje kuryoherwa n'ubuzima hamwe n'umukunzi we Sam Asghari aho bari mu kiruhuko ku mazi mu gace ka Cancun ho mu gihugu cya Mexique. Mu mafoto yabo akomeje gucicikana ku mbuga nkoranyambaga yerekana aba bombi bishimiye ikiruhuko barimo.

TMZ yatangaje ko Britney Spears n'umukunzi we Sam Asghari baherutse gutangaza ko bitegura kwibaruka umwana wabo wa mbere dore ko uyu muhanzikazi aribwo yaratangaje ko yasamye, batangiye kurya ubuzima ku mazi ya Cancun guhera kuwa Gatatu aho bagaragaye barimo batwara moto zigenda mu mazi (Jet Ski) ndetse ku munsi w'ejo bakaba barongeye kuzitwara aho Britney yatunguye benshi kwambara agapfukamunwa mu gihe bari mu byishimo ku mazi.

TMZ ikomeza ivuga ko iki kiruhuko barimo ari icya kabiri kuva uyu muhanzikazi yasubizwa uburenganzira bwo kwigenga mu bikorwa bye nyuma y'imyaka 13 ayoborwa na Se. Britney Spears kandi yanakomeje gusangiza abamukurikira kuri Instagram ibihe byiza ari kugirira muri Mexique hamwe n'umukunzi we Sam Asghari wanamwambitse impeta y'urukundo.

Mu mafoto akurikira irebere Britney Spears n'umukunzi we baryohewe n'ubuzima ku mazi:

Britney Spears amaze iminsi arya ubuzima ku mazi n'umukunzi we Sam Asghari