Abakobwa ba mbere bamaze kugera ahagiye kubera amajonjora ya Miss Rwanda barimo Stella Matutina-AMAFOTO

Mu bikorwa byo gushakisha umukobwa ufite ubwiza, umuco n’ubuhanga ugomba kwambara ikamba rya Miss Rwanda 2022, byatangiye kuwa 29 Mutarama 2022 mu Ntara y’Amajyaruguru mu karere ka Musanze.

Aha hakaba haratoranijwe abakobwa 9 bagomba gukomeza mu cyiciro kindi, aho bazahangana n’abandi bazaturuka mu zindi ntara, ibikorwa bikaba bikomereje mu ntara y’Uburengerazuba aho ubona ko abakobwa babucyereye.

Muri bo, harimo Stella Matutina uheruka muri Albania mu irushanwa The Global Beauty nyuma  yo kwegukana ikamba rya Miss Tourism World Rwanda 2021, mu irushanwa Miss Global Beauty Rwanda.

Ugereranije n’ejo, batangiye kuhagera hakiri kare kandi ubona ko biteguye cyane ugereranije n’uko ab’ejo bari bameze, ibintu bisa n’ibyumvikana kuko baba bakurikiranye amakuru y’abandi banagiriwe inama n’abitabiriye mu Majyaruguru.

Nyuma y’Uburengerazuba hakaba hazakurikiraho Amajyepfo, hakurikireho Uburasirazuba, ubundi amajonjora asorezwe mu mujyi wa Kigali.

Ibikorwa byo kureba ko abakobwa bujuje ibyangombwa byahise bitangira

Abakobwa babucyereye bitabiriye amajonjora ya Miss Rwanda mu Burengerazuba

Uburanga bw'abakowa bo mu ntara y'Uburengerazuba nabwo bukaba bwivugira

Rwanda Forensic Laboratory iri mu baterankunga ba Miss Rwanda 2022

Igikorwa cy'amajonjora mu Burengerazuba kigiye kubera muri Gorillas Lake Kivu Hotel