Basketball: REG irakoze imitwe y’intoki ku gikombe cya shampiyona iheruka mu myaka ine

Ku mugoroba wo kuri uyu wa gatanu, muri Kigali Arena habere imikino ya mbere ya kamarampaka ku makipe ahatanira igikombe cya shampiyona mu cyiciro cy’abagabo no mu bagore.

 Imbere y’abafana batari bacye bari muri Kigali Arena, REG BBC yatsinze Patriots BBC amanota 66-63 yishyira mu mwanya mwiza wo kwegukana igikombe iheruka mu myaka ine ishize

Agace ka mbere karangiye REG BBC iri imbere n’amanota 25-18, gusa itsindwa amanota 11-8 mu gace ka kabiri, inarushwa mu gace ka gatatu karangiye itsinzwe amanota 19-18, mu gihe mu gace ka kane amakipe yombi yatsinze amanota 15, bituma amanota menshi REG yatsinze mu gace ka mbere ayihesheje intsinzi y’amanota 66-63 mu mukino wose.

Mu mukino wari wabanje, mu cyiciro cy’abagore REG WBBC yatsinze biyoroheye The Hoops Rwanda amanota 74-47.

Imikino ya kabiri irakinwa kuri uyu wa Gatandatu saa Kumi n’igice mu bagore na saa Moya mu bagabo.

Mu gihe amakipe ya REG yakongera gutsinda, azahita yegukana Shampiyona mu gihe natsindwa hazitabazwa umukino wa gatatu uzaba ku Cyumweru, tariki ya 31 Ukwakira 2021.

REG irasatira kwegukana igikombe cya shampiyona iheruka mu myaka ine ishize

REG yatsinze Patriots mu mukino wa mbere wa kamarampaka

REG BBC nitsinda umukino wa kabiri irahita yegukana igikombe

REG WBBC yatsinze biyoroheye The Hoops Rwanda