Ikipe ya Biashara United yo muri Tanzania yatewe mpaga na CAF nyuma yo kunanirwa kujya gukina umukino wo kwishyura bari bafitanye na Al Ahly Tripoli kubera icyibazo cyo kubura itike y'indege.
Kuri uyu wa Gatandatu tariki 23 Ukwakira ni bwo Al Ahly Tripoli yagomba kwakira ikipe ya Biashara United mu mukino wo kwishyura wombaga kubera muri Libya.
Umukino ubanza wari warangiye Biashara United itsinze Ikipe ya Al Ahly Tripoli ibitego 2-0 yasabwaga kwitwara neza mu mukino wo kwishyura. Ubwo Al Ahly Tripoli yageraga ku kibuga, yategereje Biashara United iraheba ndetse birangira itewe mpaga.
Al Ahly Tripoli yategereje ikipe iraheba
Ishyirahamwe ry'umupira w'amaguru muri Afurika CAF ritegeka ko iyo ikipe itewe mpaga ihagarikwa mu mikino ya CAF imyaka ibiri, ndetse igacibwa ibihumbi 20 by'idorari.
Ishyirahamwe ry'umupira w'amaguru muri Tanzania TFF ryahise ryandikira CAF rivuga ko uyu mukino wakwigizwa inyuma, gusa babitangaje ikipe yamaze guterwa mpaga.
Eng
RSS 
TANGA IGITECYEREZO